Feysbuk istifadəçilərə paylaşdıqları qısa videolarda yerləşdirilən reklamlardan pul qazanmağa imkan yaratmağı planlaşdırır.“Qafqazinfo” xəbər verir ki, bu barədə şirkət öz saytında bildirib.
“İndi biz yaxın həftələrdə sınaqdan keçirəcəyimiz qısa videolarda monetizasiya sisteminin tətbiqinə fokuslanmışıq. Biz, həmçinin hekayədə reklam yerləşdirməyə imkan yaradacağıq”, - deyə feysbukun prodakt meneceri Yoav Arnşteyn qeyd edib.
Press-relizdə qeyd olunub ki, davamlılığı bir dəqiqə olan videoya ümumi müddəti 30 saniyədən çox olmayan reklam yerləşdirmək mümkün olacaq. Bununla yanaşı, şirkətdə qeyd ediblər ki, reklam kontentin baxılmasına mane olmayacaq. Davamlılığı üç dəqiqədən çox olan videolarda isə reklam 45 saniyəni aşmayacaq.
İstifadəçilər üçün tələblər eyni qalır. Onlar videoları şəxsi profillə deyil, qeydiyyatdan keçmiş səhifədən paylaşmalı və yaşları 18-dən az olmamalıdır.