Yeni Azərbaycan Partiyasının (YAP) növbədənkənar qurultayı bu gün səhər saatlarında partiyanın mərkəzi qərərgahında öz işinə başlayacaq.
Cenub.az xəbər verir ki, partiyadakı mənbədən "AzPolitika.info"-ya verilən məlumata görə, artıq bütün dəvətlilər koronavirus testindən keçirilib. Ali tədbirdə 200-ə yaxın YAP üzvünün, eyni zamanda partiyanın sədri, Prezident İlham Əliyevin də iştirak edəcəyi gözlənilir.
Qeyd edək ki, hakim partiya qurultay barədə indiyə qədər heç bir məlumat yaymayıb. Partiyanın saytında da bununla bağlı informasiya yoxdur, təşkilatın sözçüsü Hüseyn Paşayev isə günlərdir zəngələrə cavab vermir.
YAP deputatlarının bəziləri qurultaydan xəbərsiz olduqlarını deyiblər. Əksər millət vəkilləri isə jurnalistlərlə kontakta girməkdən çəkiniblər.
Məsələn, deputat Musa Quliyev deyib ki, onun qurultaydan xəbəri yoxdur, çünki dəvət etməyiblər.
Adının çəkilməsini istəməyən başqa bir deputat isə bildirir ki, qurultayın qəflətən və partiyanın bir qrup üzvündən xəbərsiz keçirilməsinin səbəbi YAP rəhbərliyində ciddi dəyişikliklərin planlaşdırılması ilə bağlıdır.
Partiyanın İdarə Heyətinin, Siyasi Şurasının, Gənclər Birliyinin, habelə Qadınlar Şurasının və Mərkəzi İcra Aparatının xeyli üzvü vəzifələrindən kənarlaşdırılacaq. Onların yerini partiyanın aşağı strukturlarından irəli çəkilən nümayəndələr, eyni zamanda YAP-a yeni qoşulan siyasətçilər tutacaq.
Partiyanın icraçı katibi Əli Əhmədovun da postundan gedəcəyi, onu YAP Gənclər Birliyinin sədr müavini, deputat Ramin Məmmədovun əvəzləyəcəyi gözlənilir.
Bundan başqa YAP-ın nizamnaməsinə, proqramına da dəyişikliklər edilməsi gözlənilir.
"Hakim partiyada böyük dəyişikliklər gözlənilir, ondan narazı qalanlar, qarşı çıxanlar ola bilər. Bu da qurultayqabağı manipulyasiyalara, daxili narazılıqların ictimai müzakirəsinə rəvac verə bilərdi. Ona görə də qurultayla bağlı ictimaiyyətə geniş informasiyanın verilməməsi qərara alınıb. Bu qadağanı pozan partiya yetkilisi, deputat sərt qınaqla üzləşəcək" - deyə, mənbə vurğualyıb.
Mənbə daha sonra qeyd edib ki, qurultayın gündəliyi ancaq Təşkilat Komitəsinə məlumdur, iştirakçılara bu barədə hər hansı informasiya verilməyib.
"Yəqin ki, tədbir başlayanda gündəlikdəki məsələlər elan olunacaq. Kimlər gələcək, kimlər gedəcək, bu haqda bir söz deyə bilmərəm. Amma şəxsi fikrim budur ki, YAP fəallığını, çevikliyini, hərəkətliliyini daha da artırmalıdır. Köhnə təfəkkürlü insanlarla, köhnə metodlarla çox da uzağa getmək olmaz.
Artıq yeni nəfəs, yeni ruh, fəal insanlar partiyanın rəhbər strukturlarında təmsil olunmalıdırlar. Bu zaman YAP daha da güclənmiş, möhkəmlənmiş olar. Təbii ki, YAP ölkənin ən böyük partiyasıdır və heç bir siyasi təşkilat onunla müqayisə belə oluna bilməz. Amma bununla belə, yenilənmək, dəyişmək, daha da güclənmək lazımdır”- deyə, o, sözlərinə əlavə edib.
Cenub.az xəbər verir ki, partiyadakı mənbədən "AzPolitika.info"-ya verilən məlumata görə, artıq bütün dəvətlilər koronavirus testindən keçirilib. Ali tədbirdə 200-ə yaxın YAP üzvünün, eyni zamanda partiyanın sədri, Prezident İlham Əliyevin də iştirak edəcəyi gözlənilir.
Qeyd edək ki, hakim partiya qurultay barədə indiyə qədər heç bir məlumat yaymayıb. Partiyanın saytında da bununla bağlı informasiya yoxdur, təşkilatın sözçüsü Hüseyn Paşayev isə günlərdir zəngələrə cavab vermir.
YAP deputatlarının bəziləri qurultaydan xəbərsiz olduqlarını deyiblər. Əksər millət vəkilləri isə jurnalistlərlə kontakta girməkdən çəkiniblər.
Məsələn, deputat Musa Quliyev deyib ki, onun qurultaydan xəbəri yoxdur, çünki dəvət etməyiblər.
Adının çəkilməsini istəməyən başqa bir deputat isə bildirir ki, qurultayın qəflətən və partiyanın bir qrup üzvündən xəbərsiz keçirilməsinin səbəbi YAP rəhbərliyində ciddi dəyişikliklərin planlaşdırılması ilə bağlıdır.
Partiyanın İdarə Heyətinin, Siyasi Şurasının, Gənclər Birliyinin, habelə Qadınlar Şurasının və Mərkəzi İcra Aparatının xeyli üzvü vəzifələrindən kənarlaşdırılacaq. Onların yerini partiyanın aşağı strukturlarından irəli çəkilən nümayəndələr, eyni zamanda YAP-a yeni qoşulan siyasətçilər tutacaq.
Partiyanın icraçı katibi Əli Əhmədovun da postundan gedəcəyi, onu YAP Gənclər Birliyinin sədr müavini, deputat Ramin Məmmədovun əvəzləyəcəyi gözlənilir.
Bundan başqa YAP-ın nizamnaməsinə, proqramına da dəyişikliklər edilməsi gözlənilir.
"Hakim partiyada böyük dəyişikliklər gözlənilir, ondan narazı qalanlar, qarşı çıxanlar ola bilər. Bu da qurultayqabağı manipulyasiyalara, daxili narazılıqların ictimai müzakirəsinə rəvac verə bilərdi. Ona görə də qurultayla bağlı ictimaiyyətə geniş informasiyanın verilməməsi qərara alınıb. Bu qadağanı pozan partiya yetkilisi, deputat sərt qınaqla üzləşəcək" - deyə, mənbə vurğualyıb.
Mənbə daha sonra qeyd edib ki, qurultayın gündəliyi ancaq Təşkilat Komitəsinə məlumdur, iştirakçılara bu barədə hər hansı informasiya verilməyib.
"Yəqin ki, tədbir başlayanda gündəlikdəki məsələlər elan olunacaq. Kimlər gələcək, kimlər gedəcək, bu haqda bir söz deyə bilmərəm. Amma şəxsi fikrim budur ki, YAP fəallığını, çevikliyini, hərəkətliliyini daha da artırmalıdır. Köhnə təfəkkürlü insanlarla, köhnə metodlarla çox da uzağa getmək olmaz.
Artıq yeni nəfəs, yeni ruh, fəal insanlar partiyanın rəhbər strukturlarında təmsil olunmalıdırlar. Bu zaman YAP daha da güclənmiş, möhkəmlənmiş olar. Təbii ki, YAP ölkənin ən böyük partiyasıdır və heç bir siyasi təşkilat onunla müqayisə belə oluna bilməz. Amma bununla belə, yenilənmək, dəyişmək, daha da güclənmək lazımdır”- deyə, o, sözlərinə əlavə edib.