Masallının “Ana” küçələrindən biri, Viləş körpüsündən Ərkivan istiqamətində olan Həzi Aslanov küçəsi isə, hələ bir müddət çatdaqlarla “yaşayacaq”. Çünki, rayonlararası olduğu üçün onu rayon yox, mərkəz təmir etməlidir
Şəhərin mərkəzi küçələrindəki çatlaqlardan, çalalardan yəqin ki, siz də bezmisiniz? Bununla bağlı sizə şad xəbərim var. Necə deyərlər, “ekran”lara yaxın oturun və məlumatı dinləyin.
Cenub.az bildirir ki, son 3 ildə Masallı şəhərindəki asfaltlanan küçələrin sayı nəzərə çarpacaq dərəcədə çoxalıb. Hələ 2018-ci ildə şəhərin illərlə asfalt görməyən 30-a yaxın küçəsi asfaltlandı. Ötən il isə daha 18 küçənin sakini evlərinə gedən yolun asfaltlanmasına görə sevindi. Nə yaxşı ki, bu il də həmin xeyirxah iş davam edir. Masallı İcra hakimiyyətindən aldığımız məlumata görə, yaxın aylardan başlayaraq şəhərin daha 22 küçə və döngəsinə asfalt vurulacaq.
Xatırladaq ki, əvvəlki illərdə şəhərin 10 küçəsi asfaltlananda rayondakı Ərkivan və Boradigah qəsəbələrinin də 2-3 küçəsi (hələ kəndləri demirik) asfaltlanardı. Heyf ki, son illər bu ənənəyə son qoyulub, qəsəbələrdəki küçələr Allahın ümidinə qalıb. Gün o gün olsun ki, onların da bəxti açılsın.
Nə isə bu il asfaltlanacaq küçələrin adların sizə təqdim edirik.
S/s | Küçələrin adı | Uzunluğu metr | Sahəsi Kv.m | Yaşayış evləri sayı |
1 | Həsən Əliyev küçəsi. İHB-dən gələndə solda paralel küçə | 636 | 2990 | 60 |
2 | N.Gəncəvi küçəsi, İHB-dən şərqə paralel küçə | 636 | 2414 | 62 |
3 | S.MehmandarovTəbriz küçəsindən şərq tərəfə kəsişən küçə | 240 | 864 | 43 |
4 | Zəlimxan Yaquqküçəsi, Təzə məhəlləyə girən yol, Elşad Əhədov küçəində döngə, Təzə Bazar tərəfdə | 450 | 1620 | 38 |
5 | Xətaiküçəsi,DSMF-dən komendaturaya gedən yol, TRASS-a çıxır | 1200 | 7200 | 65 |
6 | Xəlil Rza Ulutürkküçəsi, isgəndərli məktəbinin yanından cənuba tərəf gedən yol. | 700 | 2572 | 78 |
7 | Əhməd Rəcəbliküçəsi, Seybətin ərazisində | 850 | 3130 | 65 |
8 | Z. Tağıyevküçəsi,Digah ərazisində. Kemiş Peşə məktəbinə gedən yolun bir hissəsi | 320 | 1280 | 68 |
9 | Xaqanı Şırvan küçəsi. Əmlak komitəsinin yanından şimala gedən yol | 550 | 1980 | 63 |
10 | Cavanşir küçəsi, dön.1 . Təzə məhəlləyə gedən yol | 180 | 612 | 15 |
11 | Aşıq Alıküçəsi, Seybətin ərazisindən aşağı,sol tərəfəgedən yol | 110 | 396 | |
12 | Azərbaycan küçəsi. döngə 1, İcradan şərq tərəfə. Qaz Doldurma məntəqəsi ilə paralel, sol tərəfə | 115 | 345 | 8 |
13 | “Azərbaycan”küçəsi. İcradan .şərq tərəfə. Qaz Doldurma məntəqəsi ilə paralel, sol tərəfə | 135 | 445 | 12 |
14 | Y.Məmmədəliyev küçəsi. Nizami küçəsi ilə paralel. YAP binasından sağa | 500 | 1800 | 68 |
15 | Təbriz küçəsi. döngə 1Keçmiş Vahid bank tərəfdə. | 125 | 425 | 12 |
16 | Təbriz küçəsi, döngə 2, keçmiş Vahid bank tərəfdə | 280 | 952 | 28 |
17 | Abbas Səhhətküçəsi. Təbriz küçəsinin yanı. | 290 | 1044 | 30 |
18 | İntiqam Əsgərli küçəsi.Keçmiş kino teatrdan parka qədər | 600 | 4800 | 75 |
19 | Qarabağ döngəsi, 4, Parkın şimal tərəfi, Mərkəzi Kitabxananın arxasındakı küçə | 60 | 450 | |
20 | Zərifə Əliyeva küçəsindəki döngə. Xəstəxananın yaxınlığındakı küçə | 60 | 360 | 8 |
21 | S.Bəhlulzadə küçəsi. Azpetrolla üzbəüz küçə | 350 | 1260 | 25 |
22 | H.Əliyev propekti. Döngə 3, Poçt şöbəsinin qarşısından keçən küçə | 420 | 1704 | 39 |
Cəmi: | 8807 | 37943 | 862 |
Zahir Amanov. Cenub.az