Həkimlərə təzyiq göstərildiyi, şüşələrin sındırıldığı bildirilir
Cenub.az-a daxil olan məlumata görə, 7 fevral 2021-ci ildə, axşam 12-yə 15 dəqiqə qalmış Masallı Mərkəzi Xəstəxanasına hücum olub. Belə ki, rayonun Muğan kəndlərindən bir nəfəri Qarabağ Qazisi olmaqla 2 nəfər Masallı Mərkəzi Xəstəxanasına gəlib və xəstəxananın növbətçi həkimlər – Elnur və Zakir həkimlə olduqca sərt danışmağa başlayıblar. Səbəb isə bir neçə dəfə 103 xidmətinə zəng vursalar da, həkimlərin onun çağırışına gəlməyib, ona iynə vurmamamaları olub.
Daha sonra mübahisə kəskinləşib. Qazinin xəstəxananın böyük şüşədən olan giriş qapısını bir neçə pəncərənin sındırıldığı, növbətçisi həkimlərələ olduqca kobud rəftar edildiyi bildirilir.
Cenub.az-a daxil olan məlumata görə ətrafdakı mühafizəçi polislər hadisəyə müdaxilə etsə də onlara da müqavimət göstəriblər.
Hər iki həkimlə əlaqə saxladıq. Onları məlumatı təsdiq etsələr də, həmin şəxs Qazi olduğu üçün şikayətçi olmayacaqlarını vurğulayıblar.
Elnur həkim isə müdafiəsiz qaldığına görə növbəni tərk edərək evinə getdiyi qeyd olunur. Olay Masallı polis şöbəsindən təsdiqlənsə də, olayı törədən şəxsin saxlanılmadığı bildirilir.
Zahir Əmənov. Cenub.az
