Səudiyyə Ərəbistanından olan müsəlman xanım Renada Hüseyn eşitmə qüsurlu insanların avtomobil idarə etməsinə yardım edəcək bir cihaz ixtira edib.
Cenub.az bu haqda xarici İslam saytlarına istinadla xəbər verir.
Kral Saud Universitetinin tibb fakültəsi tələbəsinin ixtirası – yolda hərəkətdə olarkən kənar avtomobillərdən səsləri şəkillər və rənglər şəklində çevirərək avtomobilin içindəki ekranlara göndərən akustik sensorlar ərazidə daha yaxşı səmtlənməyə kömək edir.
"Mənim ixtiram dünyadakı 644 milyon sağır insanın səsləri görmə vasitəsilə duyaraq müstəqil şəkildə sükan arxasına keçməsinə kömək edəcək. Bu da həm eşitmə qabiliyyəti olmayanların, həm də ətrafdakıların məruz qalacağı riskləri azaldacaq" –deyə Renada Hüseyn bildirib.
Bu ixtiraya görə müsəlman qız 2020-ci ildə dünyanın ən yaxşı qadın ixtiraçısı kimi Dünya Əqli Mülkiyyət Təşkilatının Kubokuna layiq görülüb.
Renada daha əvvəl də 2019-cu ildə Malayziyada keçirilmiş Beynəlxalq İxtira və İnnovasiya Sərgisində qızıl medal qazanıb. Eyni zamanda o, 2020-ci ildə dünyanın ən yaxşı ixtirası üçün Koreya Beynəlxalq Olimpiadasında birinci yerə layiq görülüb.
moderator.az