Çər. axşamı   8 sentyabr 2020   22:48:20  

Belə yaxşı yollar da var imiş (VİDEO)


“Sağ əli” bərbad yollarda ömür-gün çürüdənlərin başına




Xaraba yollardan çox yazmışıq.
Hələ nə qədər də yada salmadığımız xaraba yolla var.
Amma, Azərbaycanın videoda gördüyünüz kimi yolları da var imiş.


Zəruri qeyd: (Biləsuvar-Bəhrəmtəpə, Biləsuvar-Şorsulu, eləcə də Şirvan- Salyan istiqamətindəki yollardan keçənlərin baxması məsləhət deyil)



“Azəravtoyol” ASC avqustun 20-də istifadəyə verilən Şəmkir-Yeni Göyçə-Dağ Cəyir avtomobil yolunun videosunu yayıb.

Avtosfer.az xəbər verir ki, bu yolun tikintisinə Azərbaycan Prezidentinin 2014-cü ildə imzaladığı sərəncama əsasən başlanılıb.

Yol 5 min nəfər əhalinin yaşadığı 7 kəndi birləşdirir.

Avtomobil yolu texnoloji ardıcıllığa riayət edilməklə və yüksək keyfiyyətlə inşa edilib.


Ümumi uzunluğu 31 kilometr olan yol 4-cü texniki dərəcəyə aiddir. Yol iki hərəkət zolaqlıdır.

Hərəkət hissəsinin eni 7 metrdir. Layihə çərçivəsində 482,2 min kubmetr torpaq işləri görülüb, yol əsasının və çiyinlərin tikintisinə 112 min kubmetr çınqıl, qum-qırmadaş qarışığı və 55 min ton asfalt-beton qarışığı sərf edilib.

İnşaat işləri zamanı müxtəlif diametrli 30 suötürücü boru tikilib, yol təhlükəsizlik dirəkləri, yol nişanı və göstərici lövhələr quraşdırılıb, yol cizgi xətləri çəkilib.


Şəmkir-Yeni Göyçə-Dağ Cəyir avtomobil yolunun istifadəyə verilməsi ümumilikdə rayonun sosial-iqtisadi inkişafına müsbət təsir edəcək, yük və sərnişin daşınmasının yaxşılaşmasına imkan yaradacaq.



Emin







Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10