Cənub xəbərtv-nin baş operatoru Vadim Eyvazoğlu bir neçə gündür ki, müharibədən doğma yurda qayıdıb. Özü də bir neçə medalla. Vadimin bu günlər sevinci-sevincə qatışıb. Döyüşlərin ən qızğın dövründə valideynləri onun evlənmək arzusunu reallaşdırıb və Vadimi sevdiyi xanıma nişanlayıblar. Döyüşdə olan əsgərin nişan üzüyünü qəbul edən xanımın da bu addımı, cəsarəti, Vadimə, qələbəmizə inamı təqdirəlayiqdir.
Vadimin müharibədən rayona qayıdışı böyük isə təntənə ilə qarşılandı. Onu ziyarətə gələn yüzlərlə kənd sakinləri, döyüş dostları, xüsusən xilas etdiyi yaralı əsgərlərimizin ailələri və özləri bir neçə gün bu əsgərin ata evini ziyarət etdilər. Nəhayət, bu gün Vadim redaksiyaya gəlməyə vaxt tapdı. Onunla ilk görüşün videosunu sizə təqdim edirik. İkinci videoda isə daha maraqlı məqamlarla tanış olacaqsınız.
Xatırladaq ki, Vadim Eyvazov cənub bölgəsindən döyüşdə iştirak edən yeganə jurnalistdir. Yanvarın 17-də isə onun 25 yaşı tamam olur.
Zahir