Onun baş daşının kənarında 15 metrlik hündürlükdə bayraq ucaldıldı
40 gün öncə 2-ci Qarabağ savaşında qəhrəmanlıqla döyüşərək Şəhidlik zirvəsinə yüksəlmiş ərkivanlı (Bağlaküçə məhəlləsi) Əlizadə Famil Habil oğlunun qardaşı Qabilin arzusu bu gün reallaşıb.
Xatırladaq ki, şəhid Famil yaralandıqdan sonra, son nəfəsində “Axır ki, arzuma çatdım, düşməni məhv edib, şəhidlik zirvəsinə yüksəldim” demişdi. Qardaşı Qabil Əlizadə xeyriyyəçilərin “Nə arzun var, de, reallaşdıraq” müraciətinə, o, “Qardaşım Vətən uğrunda, Bayraq uğrunda şəhid oldu. Arzum odur ki, onun məzarının, baş daşının üstündə Azərbaycan Bayrağı daha ucada dalğalansın”.
Rayonumuzdakı yardımsevərlər şəhid qardaşının bu arzusunu reallaşdırmaq qərarına gəliblər. Masallıda fəaliyyət göstərən “Ümidin sənsən” İB-nin sədri Fidan Abbaslının bu barədə çağırışına öncə Bakıdakı “Könüllü Yardım Fondu”nun Masallı nümayəndəliyi səs verib. Fondun təmsilçisi Kamral Qasımovun
bildirdiyinə görə Fidan xanımın çağırışından sonra fondun yardımsevərləri qərara alıb ki, onun abidəsinin yanında uzunluğu 15 metr olan dirəyə bərkidilmiş bayraq asaq. Bayraqın uzunu 1,50, eni 3 metrdir. Bu gün, şəhidin 40 mərasimi günü onun qardaşının arzusunu reallaşdırdıq. Allah şəhidimizi rəhmət eləsin.
Bundan əlavə “Ümidim sənsən” İB bir tərəfində şəhidin şəklləri olan foto-sessiya, digər tərəfində Təqvim olan buklet hazırlatdırmış və mərasim iştirakçılarına paylamışdır. Həmçinin mərasim iştirakçılarına ehsan kimi şirniyyat paylanmışdır.
Mərasimdə yardımsevərlər, qəsəbə rəhbərləri, qazilər, digər sakinlər iştirak etmişlər.
“Ümidin sənsən” İB-nin mətbuat xidmət
