Masallı. Şatırobada QƏTL və digər bəd xəbərlərAPA-nın cənub bürosunun məlumatına görə, hadisə Şatroba kəndində qeydə alınıb. Kənd sakini, 1984-cü il təvəllüdlü Təyyar Cabir oğlu Quliyev naməlum şəxs tərəfindən bıçaqlanıb. Bir neçə bıçaq yarası alan T. Quliyev hadisə yerində ölüb.
Hadisənin səbəbləri hələlik məlum deyil.. Yayılan məlumata görə həmin şəxsin meyiti stadiona gedən yola atılıb.
Hələlik əldə dəqiq məlumat olmasa da, yayılan məlumatlara görə öldürələn şəxs içkili olub. Həmçinin belə məlumatlar da dolaşır ki, kənddə qeyri-leqal qanunsuz oyunlar oynalan dükan var, hadisə də orada baş verib.
Son günlər həmin ərazidə Türkoba kəndində narkotiklə tutulan şəxs barədə ilginc məlumat dolaşır. Guya bu kəndin hörmətli şəxslərindən biri Bakıda xeyli miqdarda heroinlə yaxalanıb. Hələ ki rəsmi məlumat yoxdur.
Lənkəranda təzə gəlin döyülərək xəstəxanalıq olub.
Hadisə rayonun Kənarmeşə kəndində baş verib. Belə ki, 25 gün əvvəl ailə qurmuş Bağırova Aytac Hikmət qızı həyat yoldaşı tərəfindən döyülərək ciddi xəsarətlər alıb.
O, xəstəxanaya yerləşdirilib. Faktla bağlı araşdırma aparılır. (report).