Parlamentdə layihə qəbul edilib Azərbaycan Respublikasının Tərtər rayonunun Madagiz kəndi Suqovuşan adlandırılacaq. Cenub.az-ın xəbərinə görə, Milli Məclisin bu gün keçirilən iclasında “Tərtər rayonunun Madagiz kəndinin Suqovuşan kəndi adlandırılması haqqında” qanun layihəsi müzakirəyə çıxarılıb.
Layihəyə əsasən, Azərbaycan Respublikasının Tərtər rayonunun Çaylı kənd inzibati ərazi dairəsi tərkibindəki Madagiz kəndi Suqovuşan adlandırılması təklif olunub. Qanun layihəsi səsə qoyularaq, bir oxunuşda qəbul edilib.
Qeyd edək ki, ermənilərin işğalında olan Madagiz kəndi bir neçə gün öncə düşməndən azad edilib.