Çər. axşamı   8 sentyabr 2020   22:48:20  

Leninin məqbərəsi dağıdılacaq? – Müsabiqə elan olunub


Baş memar: “Heç kim müsabiqənin şərtlərini oxumaq istəmir”
 
Sovet proletariatının lideri Vladimir İliç Leninin Moskvada yerləşən muzeyi ilə bağlı qalmaqal yaranıb. Belə ki, məqbərənin istifadə qaydasının dəyişdirilməsi ilə bağlı Rusiya Memarlar İttifaqı müsabiqə elan edib.
 
Cenub.az xəbər verir ki, ruslar, əsasən də kommunist ideyalarının daşıyıcısı olan vətəndaşlar bunun əleyhinə çıxırlar. İddiaya görə, hökumət Leninin mumiyalanmış cəsədini muzeydən çıxarmaq, oranı uçurmaq istəyir.
 
Memarlar İttifaqının rəhbəri Nikolay Şumakov isə yerli mətbuata açıqlamasında məsələnin yanlış anlaşıldığını deyib. O, məqbərənin bundan sonrakı istifadə qaydası barədə detalları açıqlayıb.
 
“Burada söhbət Leninin cəsədinin məqbərədən çıxarılmasından getmir. Binanın necə istifadə ediləcəyi qərarı verildikdən sonra buna baxıla bilər. Biz Leninin cəsədinin məqbərədən kənarlaşdırılmasını təklif etmirik. Məqbərənin dağıdılması məsələsi də yoxdur. Sovet memarlığının ən böyük əsərinin daha yaxşı istifadə edilməsi üçün həll variantları, layihələr gözləyirik”, - deyə Şumakov söyləyib.
 
Onun sözlərinə görə, heç kim müsabiqənin şərtlərini oxumaq istəmir: “Oxumayanlar da bildirirlər ki, Leninin cəsədi oradan çıxarılacaq, məqbərə partladılacaq. Bunlar şayiədir”.
 
Yeri gəlmişkən, Rusiyanın Kommunist Partiyasının lideri Gennadi Züqanov məqbərənin başqa formada istifadəsinə qarşı çıxıb. O, movzeleylə bağlı keçirilən müsabiqəni çirkin təxribat adlandırıb.





Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10