Meşəkənar məktəbi yararsız binadan xilas olacaq
Məlum olduğu kimi bu il ölkənin bir sıra rayonlarında Modul Məktəblər tikiləcək.
Bu məktəblərdən biri də Masallı rayonunun Meşəkənarı adlanan (Təzə Alvadı ərazi vahidi) kəndində inşa olunacaq.
Xatırladaq ki, Meşəkənar kənd ümumi orta məktəbinin köhnə binasında 7 otaq (4 sinif və 3 əlavə otaq) var idi. Burada 95 şagird təhsil alır və onların təlim və tərbiyəsi ilə 11 müəllim məşğul olur.
İndi isə Təhsil Nazirliyi tərəfindən bu kənddə 12 otaqlı modul tipli məktəbin tikintisinə başlanmışdır. Məktəb qısa müddətdə, təxminən bir aya kimi inşa ediləcək. Onu da xatırladaq ki, belə məktəbələri qısa müddətdə söküb başqa əraziyə köçürtmək də olur.
Onu da xatırladaq ki, Meşəkənar kəndindəki məktəbdən əlavə Təzə Alvadı kəndində daha 3 məktəb – Təzə Alvadı-1, Təzə Alvadı-2 və Əhmədli məktəbləri də fəaliyyət göstərir.
Aynur