Əməkdar artist Nüşabə Ələsgərli qızı Nigarın Türkiyədə toyu olmasına aydınlıq gətirib. Müğənni Moderator.az-a açıqlamasında qızının toyunun olmadığını və sosial şəbəkədə yayılan məlumatların yalan olduğunu bildirib:
“Qızım Nigarın toyu olmayıb, bunu yazanlar düzgün yazmayıblar. Bayaqdan mənə neçə nəfər zəng vurub. Necə toy ola bilər ki, mən orda yoxam, evdə oturmuşam. Nigar sadəcə fotossesiya etdirib, toy oldu ki, qoydular ki, toy ola? Pandemiyaya görə toyu saxlamışıq. Mən Türkiyəyə kimi aparım və neçə nəfər aparım?”
Qeyd edək ki, N.Ələsgərlinin Diasprola İş üzrə Dövlət Komitəsində işləyən qızı Nigar ötən ilin dekabrında nişanlanıb. Bu gün isə bir neçə saytda müğənninin qızının Türkiyədə toyu olması xəbəri yayılıb.