Masallıda koronavirusun iyul mənzərələri (Hamıya maraqlı olacaq cədvəl)Yaxud, son 18 gündə cəmi 3 nəfərin öldüyü Masallının adı niyə “qara” siyahıdan çıxmır?

Ən çox yoluxma iyulun 8-də olub-16 nəfər, ən az yoluxma

 (ayın 10 günü), konkret desək, iyulun

1, 3, 7, 12,  18, 25, 26, 27, 29, 31-də heç bir yoluxma olmayıb,  15, 20, 21 və 31-də isə cəmi bir yoluxma olub.

Koronavirusun olmadığını deyib, ona şübhə ilə yanaşanları ciddi adam saymaq çətindir. Dünyada nə bəla baş verirdisə gah ABŞ-ın, gah İranın, gah Çinin üstünə yıxırdılar. Koronavirusun vurduğu ən böyük zərbələr isə elə bu ölkələrə dəydi. Hələ Avropanı demirik. Amma işin içində “əmmalar” da az deyil. Dünya və ölkə miqyaslı “əmmaları” bir tərəfə qoyub,  yaşadığım Masallı rayonundakı “əmmalardan” danışmaq istəyirəm.

Məsələn, uzun müddət yoluxanların və ölənlərin sayı gizlədildi, yaxud detalları ilə verilmədi. Sonra isə rəqəmləri fırlada-fırlada verdilər. İnsanlar ağızdan-ağıza eşitdilər ki, filan kənddə filan qədər yoluxma, yaxud ölən var.

Yəqin deyəcəksiniz ki, icra hakimiyyətinin saytı hər gün bu barədə   geniş məlumat verir. Tam doğru. Özü də belə məlumatlara digər  rayonların icra hakimiyyətlərinin saytında rast gəlməzsiniz. (Eləcə də rayon rəhbərliyinin bu sahədə çəkdiyi əziyyətləri də diqqətə almamaq insafsızlıq olardı). Lakin bu xəbərlərin ilk abzasları şablon, inandırıcı olmayan məlumatlardır. Yəni, filan yerlərdə dezinfeksiya işləri aparıldı,  mobil qruplar filan yerlərdə oldu və sair. Bu rəqəmlərin real olduğuna bir az şübhəm var. 

Amma bu məlumatın son abzası maraq doğurur. Yəni ki, neçə nəfər yoluxub, neçə nəfər ölüb? Yazırlar ki, bu günə qədər filan nəfər yoluxub, filan nəfər ölüb. Yazmırlar ki, məhz bu gün neçə nəfər ölüb, ya ölməyib? Yaxud da yoluxanlar hansı kəndlərdəndir.

Neçə nəfər yoluxub, ya yoluxmayıb? Gərək “çotka” götürüb filan rəqəmdən filan rəqəmi çıxasan ki, real mənzərəni biləsən. Özümüzə əziyyət verib icra hakimiyyəti saytının bir ayda koronavirusla bağlı verdiyi məlumatları çözələməyə başladıq.

Zəhmət olmasa, hər detalı özündə əks etdirən cədvələ diqqət yetirək.

Ayın sonuna Masallıda koronavirusa yoluxanların sayı 255, ölənlərin sayı 14 nəfər olub.  Bunlardan 83 nəfəri məhz İyul ayında qeydə alınıb ki, bunun da iyulun 14-ə qədər 51, iyulun 14-ə də  daxil ayına sonuna qədər qalan 18 gündə  32 nəfər. 

Ən çox yoluxma iyulun 8-də olub-16 nəfər,   ən az yoluxma (ayın 10 günü), konkret desək, iyulun 1, 3, 7, 12,  18, 25, 26, 27, 29, 31-də heç bir yoluxma olmayıb, 15, 20, 21 və 31-də isə cəmi bir yoluxma olub.

Ən maraqlı cəhət isə başqadır. Biz niyə rəqəmləri 14-nə qədər və sonraya böldük. İyulun 14-də rayonumuza çox ürəkağrıdıcı bir xəbər gəldi-mayorumuz Anar Novruzov qəhrəmancasına həlak oldu. Onun dəfninə 25 minə yaxın insan gəlmişdi. Qəhrəmanımızın ölümü bizi necə ağrıdırdısa, həm də narahat idik ki, bu qədər sıxlıqla dəfnə gələnlər yoluxmaya kütləvi rəvac verə bilər. Amma əksinə oldu.

1. Bu günə qədər Masallıda 14 nəfər koronovirusdan ölübsə, onun 8 nəfəri iyula düşür. Həmin 8 nəfərin isə 5 nəfəri 14-dəki kütləvi dəfn mərasiminə qədər, cəmi 3 nəfəri həmin dəfn mərasimindən sonraya təsadüf edir.

2. Eləcə də yoluxanlar. İyul ayında cəmi 83 nəfər yoluxub. Onun 51 nəfəri 14-nə qədər, 32 nəfəri isə son 18 günə, yəni 14-dən sonraya düşür. Göründüyü kimi,  ölümdə və yoluxmada 2 dəfəyə yaxın azalma var. (Bir lətifədə deyilmişkən A qde Brejnev?, yaxud ət-ipişik məsələsi).

Daha bir neçə məqama toxunmaq istəyirəm. Hansı ki, dəfələrlə yazmışıq, lakin icra olunmur

1. 6-cı aydır ki, rayonda koronavirusla bağlı yaradılmış Operativ Qərargahın üzvlərinin adına öyrənə bilmirik. Başçı ilə zoom görüşündə deyirik, yazırıq, efirdən deyirik, demirlər. Nə olub, dövlət sirridir?

2. Hər gün rayonda neçə nəfərdən yaxma götürülüb, dönə-dönə yazırlar. Axı, yaxma xəstəxanadan aldığımız məlumata görə, ancaq şübhəli şəxs kimi təcili yardımla xəstəxanaya gətirilən xəstələrdən götürülür. Heç bir adi adam, hətta pulu ilə gedib yaxma verə bilməz. Bunu görülən iş kimi qələmə verməklə hansı uğuru qazanmaq istəyirsiniz?

3. Ən gülməlisi. Bu mövzuda xəbərlər əsasən “Masallıda pandemiya ilə bağlı görülən işlər” başlığı ilə verilir. Sonda da yazırlar ki, rayonda filan nəfər ölüb, filan nəfər yoluxub. İndi sual olunur? Bu ölənlər və yoluxanlar sizin gördüyünüz işlərə daxildir? (Yəni, bu adamları siz yoluxdurub, siz öldürürsünüz?).

Doğrudanmı, hansı zamanda, hansı informasiya 

məkanında yaşadıqlarını unudublar?

Nə isə. Arzu edək, qiyamət əlaməti  sayılan pandemiya bəlası bitsin, maskalar apteklərdə satılmamış qalsın, yenə də toy olsun, bayram olsun.

Son əvəzi. Bu qədər azalma ola-ola Masallı niyə koronivurusun “qara” siyahısından çıxmır? Buyurun, siz də ölkə üzrə, rayonbarayon belə cədvəl təqdim edin, görək, harada vəziyyət necədir?

Zahir Əmənov (Cenub.az)