Azərbaycan Respublikasının işğal altındakı 20 faizlik ərazisində qondarılmış separatçı-terrorçu rejim Xankəndidən Xocavənd rayonunun işğal altındakı “Berdaşen” adlandırılmış Qarakənd kəndinə gedən yolun bir hissəsini asfaltlamağa başlayıb.Cenub.az xəbər verir ki, erməni nəşrlərinin yaydığı məlumata görə, Xankəndi-Xocavənd yolunun Kiş kəndinə yolayrıcından Qarakəndə qədər olan 9,6 km-lik yol asfaltlanır. Bir ay öncə başlanan işin tezliklə bitiriləcəyi gözlənilir.
Xatırladaq ki, 1 991-ci il noyabrın 20-də Azərbaycanın yenicə bərpa edilimiş müstəqil dövlətçiliyinin ilk şəhidləri: Tofiq İsmayılov, İsmət Qayıbov, Məhəmməd Əsədov, Osman Mirzəyev, Alı Mustafayev, Vəli Məmmədov, Vaqif Cəfərov kimi dövlət xadimləri və ziyalıları aparan vertolyot məhz Qarakənd üzərində terrora məruz qalıb... Amma vertolyotun Moskvaya yollanan “qara qutusu”nun sirri hələ də çözülməyib, həmin terroru sifariş, təşkil və icra edənlər hələ də cəzalandırılmayıb...
//moderator.az