Fövqəladə Hallar Nazirliyinin saytına istinadən xəbər veririk ki, Lerik rayonunda mərkəzi bazarın ərazisində bir dam altında tikilmiş, ayrı-ayrı vətəndaşlara məxsus ümumi sahəsi 73 m2 olan 3 geyim mağazasının yanar konstruksiyaları yanmışdır. Bitişik mağazalar yanğından mühafizə olunmuşdur.Yanğın saat 02:02-də yanğınsöndürənlər tərəfindən söndürülmüşdür.
Saytın digər xəbərində isə deyilir ki, Masallı rayonu, Rüdəkənar kəndində (rayon mərkəzindən 23 km aralı) vətəndaşa məxsus ümumi sahəsi 25 m2 olan tövlənin yanar konstruksiyaları və içərisinə yığılmış 3 ton ot bağlaması yanmışdır. Yaxınlıqdakı tikililər yanğından mühafizə olunmuşdur.
Yanğın saat 12:15-də yanğınsöndürənlər tərəfindən söndürülmüşdür.