Hazırda borcların yarısı ABŞ şirkətlərinin payına düşür2020-ci ildə dünyanın aparıcı kompaniyalarının borcu koronavirus pandemiyası səbəbindən daha 1 trilyon dollar artacaq. Cenub.az xarici mediaya istinadən bildirir ki, bu barədə məlumat “Janus Henderson” analitik qrupun tədqiqatında yer alıb.
Tədqiqata əsasən, dünyanın ən iri 900 kompaniyasının iş vəziyyətini əhatə edən qlobal korporativ borc 12 faiz artaraq demək olar ki, 9,3 trilyon dollara çatacaq.
Hazırda borcların təxminən yarısı – 3,9 trilyon dolları ABŞ şirkətlərinin payına düşür. Bu göstərici üzrə reytinqdə amerikalıların ardınca Almaniya kompaniyaları gəlir – 762 milyard dollar. Təkcə “Volkswagen” konserninin borcu 192 milyard dollara çatıb.
Ötən il də bu göstərici üzrə 8 faizlik kəskin artım müşahidə edilmişdi. Lakin ekspertlərin sözlərinə görə, cari ildə bu sahədə vəziyyət çox mürəkkəbdir. Belə ki, koronavirus pandemiyası nəticəsində gəlirlər xeyli azalıb.