Lerik. 2 hərbiçi qardaş 1 hərbiçini amansızlıqla döyüb və təhqir edib (VİDEO)

Ortada səs yazısı olsa belə, iş, 300 manatlıq 

cərimə ilə ört-basdır edilib

Lerik rayonu ilə bağlı qəribə, ölçüyə-ülgüyə gəlməyən xəbərləri az  eşitməmişik. Bu dəfə eşitdiyimiz xəbər də çox qəribədir. Lerikin İranla sərhəddə yerləşən bir hərbi hissəsində 2 hərbiçi qardaş başqa bir hərbiçinin amansızlıqla döyüb.

Bizə müraciət edən 27 yaşlı Famil Cənnətov hadisəni belə nəql edir:

  • Bizim hərbi hissədə (məlum səbəbdən hissənin adını çəkə bilmirik) 3 qardaş qulluq edir-Sirus, Elsevər, Ülvət. (Ümumikdə isə həmin hissədə bu qardaşların 5-dən arıq qohumu xidmətdədir). Demək olar ki, həmin hissəni bu qohum-əqraba idarə edir. Bütün qara işlər bunların əli ilə görülür.


Bəs dava nə üstündə olub?


-Bizim hərbi hissəyə 2 yol var. Biri çox nahamardır, qış ayalarında maşınla keçmək olmur, 11 kilometr yolu ancaq piyada getmək mümkündür.

Digər bir yol isə nisbətən rahatdır.  Yuxarıda adı çəkilən qardaşlar isə bu yolla maşınla gedib-gəlməyə imkan vermir. Deyirlər, bu yolu biz çəkmişik, yol bizimdir.


Bəs yolun altındakı torpaq kimindir?


-Ərazi nümayəndəsi deyir, mən bilmirəm, bələdiyyə deyir mən də bilmirəm, həmin qardaşlar isə “torpaq bizimdir” desələr də, heç bir sənəd təqdim etmirlər.


Müvafiq qanunlara görə isə hətta həmin ərazi həmin qardaşların payı bəlli torpağı olsa belə, orada münbit qatı məhv edib, yol çəkmək olmazı. Yaxud da digər yol olmadığı üçün həmin torpağın sahibləri bu ərazidən digər vətəndaşlara yol verməyə borcludur.


   17 martda baş verən hadisə


  • Demək bu qardaşlarla bir neçə dəfə yol üstündə mübahisəmiz olmuşdu. Bu dəfə də, martın 16-da qardaşlar məni “razborkaya” çağırdılar. Getmədim. Səhəri gün, martın 17-da gəlib komandirdən icazə alıb, mənimlə birgə hərbi hissənin karidoruna girdilər. Burada  Sirus və Ülvət  qardaşları məni 5 dəqiqəyə yaxın sillə, yumruq, təpiklə vurub ağır sözlərlə təhqir etdilər. Qaşımda, sinəmdə yaralar var idi. Dava olacağını əvvəldən zənn edib, telefonumun diktofonunu açıq saxlamışdım və bütün davanın səsin lentə almışdım.


Daha sonra nələr oldu?


 Həmin dalaşmadan sonra atama zəng etdim. Atam da Müdafiə Nazirliyinin qaynar xəttinə. Səhəri gün, məni Müdafiə Nazirliyinin Salyan rayonundakı müvafiq idarəsinə dəvət etdilər. Lənkəran Hərbi prokurluğundan müstəntiq işi araşdırmağa başladı. Telefon danışığının ekspertiası öz təsdiqini tapdı və müəyyən edildi ki, söyüş söyənin səsi, məni döyənlərin səsidir.


İndi siz nədən narazısınız?


  • Lənkəran Hərbi Prokurorluğu işi ədalətlə araşdırmadı. Necə deyərlər, işi fırlatdı.  Əsas dəllillərə əhəmiyyət vermədi. Cəlilabad məhkəməsi də bu qurama araşdırmanı 300 manatlıq cərimə ilə cəzalandırdı?

Əsas gileylərim

  1. Səs yazısı əsas deyildisə, onu niyə  ekspertizaya göndərirdiniz?
  2. Niyə bu işdə əsas açar olun torpağın mülkiyyətçisi tam araşdırılmadı?
  3. Niyə araşdırılmadı ki, bu yolda hansı qara işləriniz var ki, oradan başqalarının keçməsi sizi narahat edir?
  4. Niyə məhkəmə ittiham olunanana verdiyi suallara onun əvəzinə özü cavablar verirdi?


Təsəvvür edin, çox mühüm dövlət obyektində, sərhəd bölgəsində həmin gün işdə olmayan hərbiçilər xidmətdə olan şəxsi amansızlıqla döyür, təhqir edir, komandanlıq susur. Hansı ki, bu olaydan sonra bölük komandirinə məktub gəlib ki, həmin şəxslərə silah verməyin. Bunlar isə silah anbarın onlara etibar ediblər.

Məni döyən şəxslər isə üzrxahlıq etmək əvəzinə məni şantaj etməyə cəhd edirlər – guya kənddə maşını onların uşaqlarının üstünə sürmüşəm.


Mən susmayacağam


Cəlilabad Hərbi Məkhəməsinin 30 iyun 2020-ci il qərarından Apelyasiya şikayəti verəcəyəm. Müvafiq qurumlara  da şikayətimi davam etdirəcəyəm. Ölkə mətbuatının, sosial şəbəklərin imkanlarından, youtub kanalından istifadə edib canlı yayıma çıxacam və bu məsələni maksimum ictimailəışdirəcəyəm.

Haqq işimi müdafiə etməkdə mənə yardımçı olun.

Zahir Əmənov / Cenub.az 

Rəy yaz
  • Elanlar
  • Yazarlar
  • PDF

ELİT TELECOM

  • 10:46
  • 16 488

Sosialda Biz
  • Vkontakt
  • Facebook
  • Twitter