Çər. axşamı   8 sentyabr 2020   22:48:20  

Masallı – Lallığı və karlığı olan şəxsə sürücülük vəsiqəsi almaq üçün arayışı vermək olarmı?




Bu günlərdə bir neçə sayt Masallı ilə bağlı qəribə məlumat yaymışdı. Məlumatda bildirilirdi ki, Masallı Mərkəzi Xəstəxanasında həm lallığı, həm də karlığı olan şəxsə sürücülük vəsiqəsi almaq üçün rüşvət müqabilində arayış verilib. 

Masallı Rayon Mərkəzi Xəstəxanasının publik hüquqi şəxs,  MXR-in direktoru, eləcə də  sürücülərin müayinəsi üzrə həkim komissiyasının sədri Cəlil Nəzərovla olayla bağlı əlaqə saxladıq. Cəlil Nəzərov bildirdi ki, 

Azərbaycan Respublikası Səhiyyə Nazirliyinin  1992-ci il tarixli, 13 saylı əmrinə əsasən lal-kar şəxslərə sürücülük vəsiqəsi verilə bilər.

Sürücülük vəsiqəsi alınması üçün verilən 83 saylı formada sürücülük vəsiqəsinin koteqoriyasl olması və arayışın müddətinin 2 il olması qeyd olunur.

Lakin texniki səhf üzündən arayış onun qardaşının adına 3 il müddətinə verilib. Həmin arayış əsasında verilən sürücülük vəsiqəsi alınan zamanı isə həmin yanlışlıq düzəlib və vəsiqə 2 il müddətinə rəsmiləşdirilib.

Həmin şəxsdən, Ərkivan sakini K. Kazımovdan 100 manat alınması barədə məlumat da həqiqətə uyğun deyil. Bu məsələ həddindən artıq şişirdilib. Olayla bağlı DİN-ə müvafiq arayış göndərilib.

Olayda adı hallanan  şikayətçi Rüfət Kazımovla da əlaqə saxladıq. O bildirdi ki, heç kim ondan rüşvət istəməyib, o da heç kimə rüşvət verməyib.


Məlumat üçün onu da bildirik ki, kar-lal şəxslər maşın sürə bilər. Onlar sürücülük edərkən həmin maşına xüsusi fərqlənmə nişanı vurur, bu şəxslər  siqnal səsin eşidə bilməsələr də,  maşının güzgüləri vasitəsi ilə hərəkət edirlər.

Hazırladı: Turan Əlisoy. Cenub.az






Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10