Xeyriyyəçilər LənkərandaSon vaxtlar ölkənin xeyriyyə təşkilatları Lənkəran şəhərinə tez-tez səfər edirlər. 2 həftə öncə “Güvən” xeyriyyə təşkilatının üzvləri Lənkəranda olmuş və bir sıra imkansızlara yardım etmişlər. Ötən şənbə günü isə “Xeyriyyəçi gənclər” və “Könüllü xeyriyyəçilər” İctimai Birliklərinin təmsilçiləri Lənkərandakı Osman Mirzəyev adına Qarışıq tipli Uşaq Evində olmuş, burada məskunlaşanlara ərzaq və geyim yardımları etməklə yanaşı onlar mənzil, digər məişət problemləri ilə maraqlanmış, şagirdlərin şəxsi arzu və təkliflərini dinləmiş, bu sahədə onlara yardımçı olacaqlarını bildirmişlər.