İcra başçısının oğlu dünya çempionu olduOnun növbəti hədəfi Avropa çempionatıdır
Bu yaxınlarda Portuqaliyanın paytaxtı Lissabonda kunqfu-sanda üzrə dünya çempionatı keçirilib.
Yarışda Azərbaycanı +90 kq çəkidə təmsil edən “Dinamo” cəmiyyətinin üzvü Şəhriyar Hüseynzadə bütün rəqiblərinə qalib gələrək, dünya çempionu olub. Bundan bir neçə ay öncə isəŞəhriyar Hüseynzadə İtaliyanın Karara şəhərində keçirilən yarışmada 2-ci yeri tutmuşdu.
Şəhriyar Hüseynzadənin bildirdiyinə görə, onun ən çətin görüşü yarımfinalda İspaniya təmsilçisinə qarşı olub. "İkinci raundun sonuna 12 saniyə qalmışdı. Uduzurdu. Məğlubiyyətlə barışa bilməyən idmançı, əsəblərini cilovlaya bilmədi. Ciddi mübahisə yarandı. Hətta baş məşqçisi tatamiyə çıxaraq mənim üzərimə şığıdı. Uduzmağı həzm edə bilmirdilər.Ancaq sonda qalib olduğum təsdiqləndi.Ancaq həmin idmançı heç mükafatçılar sırasına da düşmədi".
“Finalda livanlı idmançı ilə üzləşdim. Çox təcrübəli idmançı idi. Hər iki raundda tam üstünlüklə qalib gəldim. Hazırda o, Avropa çempionatına hazırlaşır.
Xatırladaq ki, Şəhriyar Hüseynov Masallı rayonunun icra başçısı Rafil Hüseynovun oğludur və Neftçala Rayon Polis Şöbəsinin Cinayət Axtarış şöbəsində çalışır.
Əbdül