Masallıda ötən ildən fəaliyyət göstərən “Cənub Kitab Evi”nin təşəbbüsü və xeyirxah hacıların yardımı ilə ardıcıl olaraq kitab ehsanları təşkil edilir. Bu vaxta qədər Hacı İsrafil, Hacı Kamran, Hacı Fərid və başqaları belə kitab ehsanı verib. Rayonun Qəriblər kənd sakini Hacı Cəsarət Əliyev isə bu sahədə daha yüksək fəallıq göstərir. Bu vaxta qədər müəllim və məktəblilərə 400-ə yaxın kitab hədiyyə edən Hacı Cəsarət növbəti kitab ehsanını Ərkivan qəsəbə orta məktəbində keçirib və şagirdlərə 200-ə yaxın kitab bağışlayıb. Növbəti belə aksiya Qəriblər məktəbində təşkil olunacaq. Hacı Cəsarət inanır ki, onun təşəbbüsünə qoşulan hacıların sayı artacaq.
