Gürcüstanın Ukraynadakı səfirini Saakaşviliyə görə geri çağırması səhvdir.Cenub.az xəbər verir ki, bunu Ukrayna Prezidenti Vladimir Zelenski deyib.
“Bizim Gürcüstanla, gürcü xalqı ilə yaxşı münasibətlərimiz var. Biz hər şeyə rəğmən səfirimizi hansısa məsləhətləşmələrə görə geri çağırmayacağıq. Mənə elə gəlir ki, bu, gürcü tərəfinin səhvidir”, – deyə o bildirib
Qeyd edək ki, bu gün Gürcüstan Xarici İşlər Nazirliyinin Mixail Saakaşvilinin Ukraynanın Milli İslahatlar Şurasının İcraiyyə Komitəsinin sədri vəzifəsinə təyin edilməsinə etiraz olaraq Kiyevdəki səfirini geri çağırması ilə bağlı məlumat yayılıb.