Mətbuat katibinin 27 yaşlı oğlu faciəli şəkildə dünyasını dəyişdi
Masallı rayonunun Yeddioymaq Ərazi Dairəsinin Qasımlı kəndində yaşayan Şükürovlar ailəsi mayın 6-də çox ağrılı bir gün yaşayaıblar.
Xatırladaq ki, bu ailə nəinki kənddə, rayonda da çox sakit, zəhmətkeş ailə kimi tanınıb, kiminsə toyuğuna “kiş” deyib, incitməyiblər. 4 qardaş 2 bacı olan Şükürovlar hələ 5-6 yaşlarında ataların itirib, min əziyyətlə boya-baş çatıblar.
Necə deyərlər, indi-indi ağ günə çıxırdılar. Böyük qardaş Əlhüseyn Şükürov “Yeni həyat” qəzetinə baş redaktor təyin olunb, kiçik qardaş Ağahüseyn Şükürov alimlik dərəcəsi almış, Azərbaycan Milli Elmlər Akademiyasının (AMEA) ictimaiyyətlə əlaqələr, mətbuat və informasiya şöbəsinin rəhbəri təyin olunmuş, jurnalistlər üçün tikilən binada mənzil almışdı.
İki gün öncə isə ailə olduqca ağır itki ilə üz-üzə qalıb. A.Şükürovun böyük oğlu Nuran avtoqəza nəticəsində vəfat edib. Bu barədə A.Şükürovun yaxın dostu Vüqar Əhməd məlumat verib. O, sosial şəbəkədə yazıb:
"AMEA-nın icitimaiyyətlə əlaqələr şöbəsinin müdiri, filologiya üzrə fəlsəfə doktoru, yaxın dostum Ağahüseyn Şükürovun böyük oğlu bu gün səhər avtomobil qəzasında həlak olub. Çox üzüldüm, çox ağladım. Allah heç düşmənə də bala dərdi göstərməsin. Allah rəhmət eləsin. Mərhum bu gün Masallıda doğma kəndlərində dəfn olunub". (oxu.az)
A. Şükürov 2 oğul, bir qız atası idi.
Qəza nəticəsində dünyasını dəyişən 27 yaşlı Nuran Azərbaycan Dövlət Mədəniyyət Universitetini bitirmiş prespektivli bir gənc idi. Hələ ailə həyatı qurmamışdı
Ağahüseyn müəllimə və bütün Şükürovlar ailəsinə dərin hüznlə başsağlığı verir, Allahdan onlara səbr diləyirik.
Nuran mayın 6-da Qasımlı qəbirstanlığında dəfn edilib.
Sabah onun 3 mərasimidir. Hüzrün elə 3 mərasimi ilə yekunlaşacağı bildirilir.
Allah rəhmət eləsin!
