Elektrikli avtomobil istehsalçısı “Tesla”nın məşhur sahibi Elon Mask ABŞ rəhbərliyini pandemiya qaydalarına görə sərt tənqid edib
E.Mask hətta bir az da irəli gedərək tətbiq edilən sərt qaydaları “Faşistcə yanaşma” adlandırıb:
“Konstitusiya haqları heçə sayılaraq insanlar evlərinə həbs edilmişlər. Bu, faşistcə yanaşmadır”.
San Fransiskoda pandemiya çərçivəsində iş yerlərinin bağlanmasını tənqid edən Mask bildirib ki, adamların evlərindən çıxmasını qadağan etmək insan haqlarına uyğun deyil və təməl hüquqların pozulmasıdır:
“Evindən çıxıb-çıxmamaq fərdin özü tərəfindən verilən bir qərardır. Tezliklə azad ABŞ!”.
Qeyd edək ki, Elon Mask qadağa tədbirlərinə rəğmən bir müddət fabrikində işləri dayandırmamağa çalışıb, ancaq sonunda o da karantin qaydalarına uymağa məcbur olub.
Taleh Moderator.az