Bu gün - aprelin 18-dən İngiltərədəki ən böyük məscidlərdən biri dindarlara Ramazan ayının karantində necə keçirilməsi barədə tövsiyələr verilən onlayn mühazirələrə start verir.
Moderator.az xarici İslam saytlarına istinadla xəbər verir ki, Birminhemdəki “Qrin Leyn”(«Yaşıl Zolaq”) məscidi möminlərə bütün müsəlman ibadətgahlarının bağlı olacağı 2020-ci ilin Ramazan ayında ibadət etməyin yollarını izah edəcək.
Seminarlarda dünyanın müxtəlif ölkələrindən olan müsəlman ilahiyyatçılar çıxış edəcək.
"Hazırsınız?" Yoxsa düşüncələriniz “COVID-19” pandemiyası ilə məşğuldur? – vebinar(onlayn seminar) haqqındakı bülletendə belə deyilir, - "O halda Ramazanla əlaqədar evlərinizə birbaşa yayımlanacaq onlayn seminarımız haqda məlumat almaqdan məmnun olacaqsınız. Tədbir 18 aprel- şənbə günü baş tutacaq...”
Sultan Laçın