Sual:- Azər müəllim, son vaxtlar Prezident Aparatına, Omudsumana və s. yerlərə sizdən çoxlu şikayətlər gedir? Həmin şikayətlərlə bağlı nə tədbirlər görürsünüz?-Həmin şikayətlərin bir çoxunu həll edə bilməsəm də, maya qoyub AZ TV-də özünü möhkəm təriflətdirirəm.
- Bəs ölkə başçısının regionların inkişafı ilə bağlı sərəncamını necə icra edirsiniz?
-Elə onu da bu cür. 5-6 sahibkarı çağırıb iclas keçirir, həmin iclasın süjetini televizorda verdirirəm, iş bitir.
-Olmaz ki, həmin sahibkarı da götürüb hər gün 1500 şagirdin, yüzlərlə həkimin, müəllimin, xəstənin keçdiyi, xaraba gündə olan Füzuli küçəsinə, yaxud 2 saylı məktəbdən Dikah kəndinə gedən, çala-çuxurunun sayı bilinməyən yola, köhnə bazarın arxasındakı bərbad küçəyə aparıb, bir tədbir görəsiniz.
- Bilirsiniz, bu sahibkarlar çox firavan yaşayan insanlardır. Onları belə ürəkbulandıran yerlərlə aparmaq yaxşı iş deyil.
- Onda özümüz gedin.
- Mən keçmişi sevən adamam. Öz doğma rayonumda 9 il rəhbərlik dövrümdə o qədər belə xaraba yollar yaratdım ki, indi buradakı xaraba yolları da düzəltmirəm ki, qoy keçmişi, tarixi unutmayım.
-Bəs ətrafındakı iqquş, maqquş, toqquşlaq bu məsələlərə necə dözür?
-Hamı bilir ki, onların əlinə bir saz verib salmışam bu rayonun canına, məni tərifləsinlər. Bir də onlar üçün nə fərqi var, lap Qızılağac qoruğundan bir gərəfi də bura gətirib vəzifəyə qoysalar, onların marağını təmin etsələr, həmin şəxs sazda həmin havanı çalacaq.
- Bəlkə sizi aparaq Marsa bu təcrubəni orada da tətbiq edəsiniz.
- Əvvəl oranı bir az qarışdırın, bir-iki tayfanı bir-birinin üzərinə qızışdırın, sonra. Çünki pul çaqqaçuq, dava-dalaş olan yerdədir.
Zahir Əmənov