Hazırda dünyanın ən real bölüşdürülməsi prosesi gedir.Cenub.az KONKRET.az-a istinadən xəbər verir ki, bu fikri Rusiya Dövlət Dumasının keçmiş vitse-spikeri Sergey Baburin səsləndirib.
Onun sözlərinə görə, dünya mərkəzləri hər biri koronavirusın adından istifadə edərək öz problemlərini həll etməyə çalışırlar.
“Dünyanın heç bir yerində hətta İtaliya və İranda da epidemiya yoxdur”, – deyə S. Baburin bildirib.
“Bəli, karantin rejimi var, bu haqda da çoxlu suallarım var. Məsələn, dünyada hər gün müxtəlif xəstəliklərdən 180-200 min insan ölür, təkcə Rusiyada ildə bir neçə on minlərlə insan pnevmoniyadan ölür, amma nədənsə KİV, beynəlxalq təşkilatlar bu barədə heç vaxt vahimə yaratmayıblar. İndi yalnız bir növ qlobal psixoz ortaya çıxıb. Qoy ÜST koronavirusun xərçəngdən, mövsümi qripdən və ya diabetdən daha təhlükəli olduğunu insanlara izah etsin”.
Rusiya siyasətçisini bu gün dünyada karantində bir milyarddan çox insanın olduğu təəccübləndirir, lakin epidemiya yoxdur. Və əgər bu virus bəşəriyyət üçün çox təhlükəlidirsə, onda niyə Belarus və İsveç karantin elan etmir?
“Başa düşürsünüzmü, yoluxmaq, xəstələnmək və ölmək – müxtəlif şeylərdir. SSRİ-də epidemiyanın nə qədər olduğunu bilirsiniz, həm çiçək, həm də xoler? Ancaq belə bir kütləvi psixoz heç vaxt olmayıb. Deməli, burada başqa bir şey var. Hətta İtaliya da yararsız təbabəti ilə öz iqtisadi məsələlərini bu yolla həll edir. Son zamanlar bütün ekspertlər orada bir səslə güclü iqtisadi böhran proqnozlaşdırırdılar. Və burada koronavirus İtaliya hökumətinin köməyinə gəldi, indi bütün uğursuzluqları infeksiyanın “boynuna” yıxa bilərlər. Dünyada hər kəs bir möcüzə vaksinə ümid edir. Və birdən bir-iki il olmayacaq, sonra insanlar evdə illərdir oturmalıdırlar?”,- S. Baburin təəccüblənir.
Hesab edir ki, bu cür suallar yetərincədir. ÜST və dövlətlərin hökumətləri karantin elan etdilər, qanuna tabe olan vətəndaşlar da onun qaydalarına tabe oldular.
Dünya ekspertləri ilə razılaşan S. Baburin bildirib ki, koronavirusdan sonra dünya əsaslı şəkildə dəyişəcək və insanlar tamamilə online sistemə keçəcək.
“Amerika filmi “Matrisa”nı xatırlayın. Əgər kiməsə belə bəşəriyyət lazımdırsa, onda bizə lazım deyil”, – deyə o əmindir.
Nə qədər paradoksal olsa da, siyasətçi hesab edir ki, bəşəriyyət koronavirusa minnətdar olmalıdır, çünki o, böyük müharibənin qarşısını aldı.
“Dünya elə bir həddə çatıb ki, bütün problemləri həll etmək üçün müharibə lazım idi. Lakin əlahəzrət planetimiz koronavirus vasitəsilə insanlara güclü siqnal göndərdi: onlar bizim biosferimizin istənilən hissəsi kimi zəifdirlər”, – deyə S. Baburin bildirir.