Türkiyədə həbs olunan azərbaycan əsilli iş adamı, “Palmali” Şirkətlər Qrupunun rəhbəri Mübariz Mənsimovdan xəbər var.Cenub.az KONKRET.az-a istinadən xəbər verir ki, milyarderin səhhətinin həbsxanada pisləşdiyi bildirilir.
Bu barədə “Palmali” Şirkətlər Qrupunun nümayəndəsi Fidan Quliyeva sosial media hesabında məlumat paylaşıb: “Bu dəqiqə aldığımız məlumata görə, Mübariz Mənsimovun səhhəti kəskin dərəcədə ağırlaşıb. Həkimlər qanqidalandıcı sistem qoşmaq istəsə də, Mənsimov bundan imtina edib”.
Qeyd edək ki, M.Mənsimov FETÖ terror təşkilatına üzv olmaqda ittiham edilir. O, həbs olunmazdan bir müddət əvvəl – fevralın sonunda cərrahi əməliyyat olunmuşdu. Həbsxanada isə aclıq elan etmişdi.
