Mütəxəssislər tibbi maskaların xaricində də daxil olmaqla, müxtəlif səthlərdə COVID-19-nun canlılığını tapıblar.Cenub.az KONKRET.az-a istinadən xəbər verir ki, Hong Kong Universitetinin alimləri bu qənaətə gəliblər.
Yeni koronavirus isti şəraitdə gücünü itirir və sıfırdan yuxarı dörd dərəcə istilikdə ən aktivdir. Onların nəticələri medRxiv.org tibbi tədqiqat portalında dərc edilib.
“Virus 4 dərəcədə çox sabitdir, lakin istiliyə həssasdır “, – materialda qeyd olunur.
Beləliklə, dörd dərəcədə infeksiya iki həftədən çox müddətə mövcud ola bilər, temperatur 70 dərəcəyə qalxdıqda isə beş dəqiqə ərzində ölür.
Verilən məlumata görə, əgər havanın temperaturu 22 dərəcədirsə, koronavirus ən azı bir həftə aktivdir, 37 dərəcədə iki gün, 56 dərəcədə isə yarım saatdan az qalır.
Elm adamları COVID-19-un müxtəlif səthlərdə sağ qala biləcəyini də aşkar ediblər. Onların sözlərinə görə, tibbi maskaların kənarında ən az bir həftə (otaq temperaturunda və nisbi rütubətdə 65%) mövcud olmağa qadirdir.
Kağızda koronavirus üç saatdan az davam edir.
Ağac və parçalar üzərində iki gündən çox, şüşə üzərində dörd gündən az, paslanmayan poladda və plastikdə bir həftədən çox qalır.
Daha əvvəl bildirilmişdi ki, COVID-19 nisbətən soyuq iqlimlərdə ən sürətlə yayılır.