Çər. axşamı   8 sentyabr 2020   22:48:20  

10 dekabr 2009-ci il ÇƏPƏRÜSTÜ SÖHBƏT


-Yəni, hamı döyüşə hazırdır?
- Yox, hamını deyə bilmərəm, aralarında tək-tük fırıldaqçılar da var. Çünki orada mənə bir əhvalat danışdılar, az qala ağlım çaşa. Deməli, müharibə adını eşidən kimi bir əsgərimiz donuz tükü ilə sarımsağı ayağına bağlayıb və bir sutka belə saxlayıb. Bu əməliyyatdan sonra oğlanın ayağı elə vəziyyət düşüb ki, hətta onu kəsməli olublar. Amma oğlan “arzusuna” çatıb, hərbidən tərxis olunub.
- Vəssalam?
-Həm də deyiblər ki, bu xəbərdən sonra yerini isladanların sayı sürətlə artıb. Ön cəbhəyə getmək istəməyənlər qəndin üstünə 2-3 damcı yod töküb, sonra ağızlarına atıb, süni şəkildə temperaturlarını elə yüksəldirlər ki, deyirsən əsgər bu dəqiqə öləcək.
-Yəni əsgərlərimiz bu qədər elimlidir?
- Bəs nə bilmişdin. Ona görə lap çox elimi olanları, məsələn, bələdiyyə sədirlərinin ərazi nümayəndəsi işləyənlərini, böyük sahibkarların uşaqlarını hərbi xidmətə aparmırlar. Onlar yüksək ağıla və elimə malik oduqları üçün, elə fəndlər fikirləşə bilirlər ki, hətta komandirlər çaş-baş qalır.
- Doğrudan da indi ağıllı olmaq çox müsibətli işdir. O gün kişidən soruşurlar ki, nə əcəb, çölə az-az çıxırsan?
-Hə, nə dedi?
- Dedi, əvvəllər dəliləri, ağzının danışığını bilməyənləri çölə-bayra buraxmazdılar. İndi əksinə olub. Yəni kim daha ağıllıdır, kim daha mədənidir, kim daha savadlıdır çölə çıxmağa qorxur.
- Elə niyə?
- O qədər ağzının danışığın bilməyən həyasız, üzəduran, super sırtıqlar... əmələ gəlib ki, həmin haqq söz deyən haqqını sübut edənəcən, bir silsilə doqquz mərtəbə söyüş, bəzən qapaz, yumuruq qazanır.
-Bəs yerli rəhbərlər hara baxır?
-Bu üzəduranlar, iş verənlər elə onların qeyri-rəsmi işçiləridir də. O rəhbərin çoxu elə belələrinin gücünə vəzifədə oturur, yoxsa saxtakarlıqlarına görə çoxdan zibil yeşiyində idilər.
-Yəqin bələdiyyə seçkilərindən sonra bəzi ağsaqqallar demişkən “haqq-ədalət” yerini tapar.
- Bələdiyyə dedim, yadıma bir məsəl düşdü. Axı, heç yerdə namizədlərin şəkillərinə seçki platformalarına rast gəlinmir.
- Qıza, bunlar hamısı pul deməkdir. Bu bələdiyyə üzvü olmaq istəyənlərin çoxunun ağıllı-başlı savadı da yoxdur, normal fikir, təklif söyləməyə də. Gərək kiməsə pul verib özlərinə platforma yazdıralar. Elə 50-60 yerə şəkil yapşdırmaq üçün də pul lazımdır. Rəhbərlik onlara başa salıb ki, elə seçki platformasına, təbliğat xarakterli şəkillərə verecəyiniz pulu da bizə verin, qalanı ilə işimiz yoxdur.
- Bəs bunlar belə imansızlıq edəndə Allahdan qorxmurlər?
- Onları yaxşı tanımırsan. Bunlar Qurbanolduğumuzla da dil tapmağı bacarır. Xalqın milyonlarla pulunu çırpışdırır, sonra onun 1-2 faizini xərcləyib, 2 dəfə Kərbəlaya, 1 dəfə Həcc ziyarətinə gedib, qurban kəsib, ehsan verib aman kağızı alırlar.
-Olar, olar, çünki xalqımız şair xalqdır, hər xəyanəti tez bağışlayır.
Zahir Əmənov





Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10