Doğrudanmı, polis işçisi bütün sədləri aşaraq 14 yaşlı qıza qarşı xoşagəlməz hərəkətlərə yol verib, yaxud ana öz qızını və polis işçisini şərləyir?2 gün öncə sayta yerləşdirdiyimiz “Lənkəran. Doğrudanmı polis işçisi 14 yaşlı qızla?...” yazısı oxucuların böyük marağına səbəb olub. (Həmin yazının linki - http://cenub.az/5765-lnkran-dorudanm-polis-iisi-14-yal-qzlayaxud-rsmilr-niy-mvqelrini-bildirmkdn-kinir.html) Redaksiyaya ünvanlanan onlarla zəngdə izləyicilər soruşurlar ki, yazını tam şəkildə, adlı, ünvanlı nə vaxt yerləşdirəcəksiniz? Həttə bizə irad bildirənlər də var “Niyə anons verib, sonra yazını qoymursunuz? Düzəlişdiniz?” və sair. Məlumat üçün bildirim ki, həmin geniş anonsdan sonra əlaqədar təşkilatın təmsilçisi bizə zəng vurub xahiş etdi ki, martın 29-na kimi, yəni rəsmi iş günü başlayana kimi vaxt verin, olayla bağlı tam təfsilatı ilə rəsmi açıqlama verəcəyik.
Olayın olduqca həssas - 14 yaşlı qızla bağlı olduğunu nəzərə alıb, 2 gün də gözləməyi qərara aldıq ki, məqaləni qarşı tərəfin mövqeyi ilə birlikdə təqdim edək.
Bir daha xatırladırıq ki, şikayətçi qadının və 14 yaşlı qızın dedikləri videoya alınıb. Olduqca maraqlı detallarla tanış olacaqsınız. Aydınlaşdırmağa çalışacağıq ki, doğrudanmı, polis işçisi bütün sədləri aşaraq 14 yaşlı qıza qarşı xoşagəlməz hərəkətlərə yol verib, yaxud ana öz qızını və polis işçisini şərləyir?
Cenub.az