- Qıza , hər dəfə çəpərüstündə qayıdandan sonra , deyirəm ki, bütün söhbətlər qurtardı , Amma evə çatmağımı görürəm , zəng-zəng dalınca,xəbər-xəbər dalınca . Hələ emeyeldi , nədi, ona da məktub gəlir , amma oxuya bilmirəm .
-Deyirəm ki, bizimkilərin xoşbəxtliyi ondadır ki, utanmağı tərgidiblər . Millət az qala yarıdan çoxu xəstə olduğu , əksəriyyəti aylarla güzəştli dərman tapa bilmədiyi (deyilənə görə bu işdə yaxşı pul var )halda, xəstəxanada digər rüsvayçılıqların, yerlibazlığın tüğyan etdiyi vəziyyətdə, baş həkim bunların xəcalətini çəkmək əvəzinə təhsil müdirinin yubleyində onun rəhbərliyi altında işləyən həkimə ondan əvvəl söz verdiyinə görə “mitinq” eləyib.
-Hələ bu harasıdır . Mən eşidmişəm ki, ad günündə oğluna 80 min dollarlıq maşın bağışlayıb .
-Vallah , onu görməmişəm deyə bilmərəm .
-Sən nəyi görürsən ki. Elə çəpərdən bir az o tərəfə baxsan, görərsən ki, ünvanlı yardımın “anasını” necə ağladırlar . Əvvələr 6 aylıq yardımın 1 ayın çırpışdırırdılar , amma indi , rəhbərimiz , icra başçımız rüşvətxor-luğun kökünü kəsməyə başlayandan 2-3 ayını yeyirlər.
- Ümud qalıb Xətaiyə. Yəni o kişinin heykəlinin yanında da rüsvayçılığı etsələr...
-Ay rəhmətliyin qızı, onlar Xətayidən pul almasın . Bir də gördün ki, kişinin heykəlinin qırağına bir az narkotik atıb, heykəli yerbəyer elədilər
Etiraz eləsə , polisə müqavimət adı ilə atarlar GPZ-yə. Müdirlərini çağırsa , dövlət çevrilişi adı ilə yerlə-yeksan edərlər .
- Deyirəm , nə yaxşı bu qədər əliəyri , rüşvətxor , səriştəsiz , yaltaq... var. Yoxsa , biz neyləyərdik . Nə yazardıq. Tutaq ki, yazaq “filan məmur çox vicdanlıdır , gülləni gözünə sıx , nahaq iş görməz”, yaxud yazaq “kimsə gedir hərbi komisarın yanına , deyir ki, al bu 2 min dolları , uşağa bir saxta bilet . Komissar da deyir ki, mən müharibə edən ölkənin komisariyam , ömründə belə mənəviyyatsızlıq etmərəm”. Belə qəzeti kim oxuyar ?
-Yaralı yerimə toxundun . O gün qonşu şikəst arvad sürünə-sürünə bizə gəlib , 100 manat pul istəyir . Səbəbini soruşanda deyir ki, şikətəm,
baxanım yoxdur , komissarlıqdan oğlum ücün möhlət istədim , vermədilər , indi 1800 manat yığmalıyam ki, uşağın işin birdəfəlik düzəldim . 100 manat çatmırdı , onu da sizdən borc istəyirəm .
-Yaxşı ki,belə şeyləri icra başçımız eşitmir . Yoxsa indi inəklərin sürtü-nüb kürəyini qaşıdığı palmaları onların gözünə soxardı . Zahir Əmənov.