Mətləb Məmmədovun, eləcə də qardaşının və qaynının saxlandıqları ilə bağlı məlumatlar yayılıb
Cenub.az-a Masallidakı “DSMF əməliiyatı” ilə bağlı maraqlı məlumat daxil olub. Həmin məlumatda deyilir ki, fevralın 28-dən 29-na keçən gecə Masallı rayonunun Təzə Alvadı kəndindəndəki bankomatdan üstlərində külli miqdarda kart olan şəxslər yaxalanıb.Həmin şəxslərin Masallı DSMF-nin aparıcı mütəxəssisi Mətləb Məmmədovun qaynı və qardaşı olduğu bildirilir.
Cenub.az-a daxil olan məlumatda deyilir ki, əməliiyatı Banditizm və Terrorizmə Qarşı Mübarizə İdarəsi keçirib. Əməliyyatçılar gecə ilə Mətləb Məmmədovun qardaşı və qaynını tutduqdan sonra onun Masallının Həsənli kəndindəki möhtəşəm evinə gəliblər. Onun evindən əlavə olaraq 100-dən artıq kart, külli miqdarda pul, bir neçə bahalı maşın və digər sübutlar götürlüdüyü deyilir. Onun Bakıda, Türkiyədə mülkləri olduğu barədə də məlumatlar dolaşır.
Həmçinin deyilir ki, hər 3 şəxs- Mətləb Məmmədov və onun yaxın qohiumları elə gecə ilə saxlanılaraq əməliiyatçılar tərəfindən Bakıya aparılıb.
Yayılan xəbərlərdə o da var ki, həmin gecə Həsənlidə bir çox adamlara kart paylanılırmış.
Cenub.az xatırladır ki, Mətləb Məmmədov Masallı rayonunun Həsənli kəndində anadan olub. 3 bacının yeganə qardaşıdır. 50-yə yaxın yaşı, 4 övladı var. Uzun müddətdir ki, sosial müdafiə sistemində çalışır. Onun əməllərini reallaşdırmaq üçün xüsusi dəstəsi var imiş. Bundan əlavə həmin kənddə digər bir neçə “pensiya və sosial düzəldən” qrup var.
Olayla bağlı bir neçə rəsmi şəxsə müraciət etsək də bəzilərinin telefonu cavab vermədi, bəziləri isə məlumatı təsdiqləsə də detalları barədə məlumatsız olduqlarını bildirdilər.
Maraqlı tərəflərin sözü olarsa, onlara da yer ayırmağa hazırıq.
Eləcə də bu barədə əlavə məlumatı olanlar FB-dəki şərh bölümümüzə yaza bilər.
Hardasa yanlışlığa yol verdiksə, əvvəlcədən üzürxahlıq edirik.
Zahir Əmənov. Cenub.az
Qeyd: Masallı Şəhər 1 saylı tam orta məktəbindən də “ala-bula” xəbərlər gəlir. Sabah, “Masallının “qara həftəsi” yazısını izləyin”