Cenub.az bildirir ki, fevral ayının 27-dən başlayaraq Masallı Rayon Mərkəzi Xəstəxanası bağlınıb. Bu gün, fevralın 28-də səhər vaxtı adı çəkilən xəstəxanaya getdik. Binanın girişində xeyli maşın olsa da, giriş darvazası bağlı olduğundan içəri adam buraxılmırdı. Darvazanın arxasında 10-a yaxın polis işçisi dayanmışdı. Bildirirdilər ki, xəstəxana karantindədir. Xəstələr Lənkəran, yaxud Masallının Boradigah qəsəbəsindəki xəstəxanalara getsinlər. Doğum şöbəsindən başqa heç bir şöbə fəaliyyət göstərmir. Həkimlər isə yerindədir. Yaxınlıqdakı özəl Bioloji Klinkaya üz tutanlar da az deyildi.
Darvaza qarşısına toplaşan 50-yə yaxın adam isə çox narazı idi. Deyirdilər ki, heç olmasa poliklinika, laboratoriya işləsin ki, elementar xidmətlər göstərə bilsinlər.
Həm də təəccüblüdür ki, əhali hər hansı formada məlumatlandırılmır. Heç icra hakimiyyətinin saytında və onlara məxsus digər saytlarda bu barədə
heç bir məlumat yoxdur. Ucqar kəndlərdən və qonşu rayonlardan gələn xəstələr saatlarla xəstəxananın qarşısında gözləyirlər. Karantinin nə vaxt ləğv oluncağı da bilinmir.
Cenub.az
