Çər. axşamı   8 sentyabr 2020   22:48:20  

İsmayıl Şıxlının ilk və son şeiri - Mətn



İsmayıl Şıxlı həyatı boyu cəmi bir şeir yazıb. Nə qədər axtarsaq da, həmin şeiri əldə edə bilmirdik. Təsadüfən Aşıq Ədalət haqqında tərtib olunan “Könül dastanı” şeirlər kitabında İsmayıl Şıxlının bu şeiri ilə rastlaşdıq. Şeirin həmin şeir olduğunu dəqiq təyin edə bilməsək də,hər halda təqdim etdiyimiz nümunə İsmayıl Şıxlının əlimizdə olan ilk və son şeiridir.

Cenub.az Kulis.az-a istinadən “Bazar oxusu” layihəsində İsmayıl Şıxlının aşıq Ədalət Nəsibova yazdığı “A dünya” şeirini təqdim edir.

Səndə neçə möcüzə var deyirlər,
Ən alisi Ədalətdi, a dünya.
Günəş batsa, “Kərəmi”nin alovu
Yerə-göyə kifayətdi, a dünya.

Şah pərdədə dilə gəlir o sirlər,
Sərraf görüb yel kimicə əsirlər.
Ədalətin sazındakı sehirlər,
Sevən qəlbə səadətdi, a dünya.

Xəyal yenə nə tez uçdu uzağa,
Vurğun məni vurğun edib Qazağa.
Şıxlı çıxan o müqəddəs ocağa
Nə vaxt getsəm, ziyarətdi, a dünya.

Haray baxır bu varlığa, vəhdətə,
Alqış deyir o ilahi qüdrətə.
Möcüzəli sənətkara, sənətə
Səcdə etmək sədaqətdi, a dünya.






Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10