Məlum olduğu kimi, bu il yanvar ayının əvvəlindən başlayaraq müvafiq qanunlara uyğun olaraq evlərini icbari şəkildə sığortalanmasına başlanmışdır.
Bəs “kupça”sı olmayan evlər necə sığortalanır? Dövlət Sığorta Şirkətinin Masallı filialının direktoru Böyükağa Malıyevin bizə bildirdiyinə görə, sənədi tam olmayan evlər barədə ərazi nümayəndəliyinin arayışı kifayət edir ki, həmin evlər də sığorta edilsin.
Xatırladaq ki, yaşayış evləri 1 illik müddətə 15 min manat həcmində sığortalanır və bunun üçün 30 manat ödənilməlidir. Bu məbləğ 20 gün müddətində ödənilməsə, vətəndaş elə həmin məbləğdə - 30 manat cərimə olunacaq və həmin ev sığorta olunmayınca cərimə məbləği hər ay əlavə 30 manat artacaq.
Həmçinin, o da gözlənilir ki, qarşıdakı həftənin sonuna kimi Azərbaycan Nazirlər Kabinetində cərimə məsələsinə təkrar baxılsın.
Bayram günlərini nəzərə almasaq, son 2-3 iş günün təkcə Masallı rayonunda yüzlərlə vətəndaş evini sığortalatdırıb.
Masallıda evlərin icbarı şəkildə sığortalanması əsasən Dövlət Sığorta şirkətinin Masallı filialında aparılır.
Əlaqə telefonu: 21 5 47 90.