Azərbaycanda yaşlı kişini polis bölməsinin qarşısına atıb qaçdılar.Cenub.az xəbər verir ki, bunu Xəzər televiziyasında yayımlanan və Xoşqədəm Hidayətqızının aparıcılıq etdiyi “Səni axtarıram” verilişinə çıxan və polis bölməsinin qarşısına atılan kişinin qızı bildirib.
Qadın deyib ki, atasını polis bölməsinin qarşısına qardaşı atıb:
“Mən özüm yataqxanada qalıram. Yataqxanada həyat yoldaşım və oğlumla qalıram. Həyat yoldaşım deyir ki, oğlu ola-ola mən niyə sənin atana baxmalıyam. Mənə polis zəng edib dedi ki, gəlin, atanızı qocalar evinə yerləşdirək”.
Kişinin övladları tərəfindən küçəyə atılması hiddətə səbəb olub. Verilişdə iştirak edən ekspertlər yaşlı kişinin qızını tənqid atəşinə tutublar.
Sonda ahıl şəxsin qocalar evinə yerləşdirilməsinə qərar verilib.