“Qripin əsas əlaməti baş ağrısıdır. Burun axmaya da bilər”.
Cenub.az publika.az-a istinadən xəbər verir ki, bu sözləri tanınmış anestezioloq-reanimatoloq Şahin Məmmədov deyib. O, bildirib ki, qrip olan xəstə qidalanmasına ciddi fikir verməlidir:
“Kalorili yeməklər yeyə bilərsiniz, çəkiniz artmayacaq. İnfeksion iltihab varsa, orqanizm fövqəladə hal rejiminə keçir və infeksiya ilə mübarizədə çox enerji sərf edir. Bu səbəbdən nə qədər kalori qəbul etsək də, enerji defisiti həmişə var. Odur ki, qrip əleyhinə heç bir dərman effektiv deyil, virusa yalnız orqanizmin enerji gücünü artırmaqla qalib gəlmək olar”.