Çər. axşamı   8 sentyabr 2020   22:48:20  

Əliməmməd Nuriyev Masallıdan deputatlığa namizədliyini irəli sürəcək


9 fevral 2020-ci il tarixində keçiriləcək növbədənkənar parlament seçkilərində tanınmış simalardan kimin hansı dairədən namizəd olacağı maraq doğurur.

Tanınmış hüquqşünas, “Konstitusiya” Araşdırmaları Fondunun prezidenti Əliməmməd Nuriyevin hansı dairədə deputatlıq uğrunda mübarizə aparacağı məlum olub.

Dostlarının sosial şəbəkədə bildirdiyinə görə, Əliməmməd Nuriyev 71 saylı Masallı kənd seçki dairəsindən deputatlığa namizədliyini irəli sürməyi planlaşdırıb.

Qeyd edək ki, Əliməmməd Nuriyev 2001-2005- ci illərdə Milli Məclisin deputatı olub.

O, hazırda Əfv Komissiyasının, Qeyri-Hökumət Təşkilatlarına Dövlət Dəstəyi Şurasının üzvü, Ədliyyə naziri yanında Penitensiar Xidmət üzrə İctimai Komitənin koordinatorudur.

V çağırış Milli Məclisdə 71 saylı Masallı kənd seçki dairəsini deputat Elmira Axundova təmsil edirdi. Onun yenidən namizəd olub-olmayacağı hələ məlum deyil. (Modern.az)






Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10