Çər. axşamı   8 sentyabr 2020   22:48:20  

Qəzetimiz Kitab Evi açır


Siz burada ruhunuza uyğun bədii, elmi-publisistik, dedektiv, fantastik..., qısası, hər sahəyə uyğun kitabları, dünya şöhrətli yazıçıların əsərlərini ala bilərsiniz

Bir çoxlarına bəlli olduğu kimi, 1 ildən artıqdır ki, “Cənub xəbərləri” qəzetinin redaksiyasında genişləndirmə və təmir işləri aparılırdı. Hazırda bu işlər başa çatıb. Bu binadakı otaqların bir çoxunu icarəyə verə, yaxud özümüz burada dərhal qazanc gətirə biləcək işlərlə də məşğul ola bilərdik. Hələ digər şanslarımız da az deyildi. Lakin biz fərqli yol tutmaq qərarına gəldik. Məlum olduğu kimi bir çox ölkələrlə müqayisədə ölkəmizdə kitab mağazaları olduqca azdır. Əgər bizdən xeyli az əhalisi olan Tbilisidə 100-ə yaxın kitab mağazası varsa, Bakıda belə mağazaların sayı cəmi 4-dür. Yaxud 210 min əhalisi olan Masallıda vaxtı ilə 4 kitab mağazası var idisə, indi 1-i də yoxdur. Biz bu sahədə itkilərimizi nəzərə alaraq, “KİTAB OXUYAN YOXDUR” fikirlərinə arxa çevirərək Kitab Evi açmağı qərara aldıq. İnsanlar kitaba sarı getməsələr də, qoy kitab insanlara tərəf getsin. Az da olsa, bizə maddi dəstək olacaq şəxslər də tapıldı.
Beləliklə, siz sentyabr ayının ilk günlərindən hazırkı redaksiyamızdan kitab mağazası kimi istifadə edə bilərsiniz. Burada Nobel mükafatçılarının əsərlərindən tutmuş yerli yazarların əsərlərinədək tapmaq mümkün olacaq. Həmçinin vaxtaşırı yaradıcılıq gecələri keçirtməyi planlaşdırırıq.
Sizin arzuladığınız kitabları gətirtməyə, evinizə belə kitab çatdırmağa imkanlarımız olacaqdır.
Dəstəyinizə, təkliflərinizə, ən başlıcası isə Kitab Evinə ayaq basıb bizimlə əməkdaşlıq etməyinizə böyük ehtiyacımız var.

Kitab Evində çalışmaq üçün işçi axtarırıq. Ticarət işini bilən, ən başlıcası, özü kitabı sevən insanlara daha çox üstünlük veriləcək.





Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az
Baş redaktor: Zahir Amanov
Tel: +99450(70)3227523
Email: [email protected]
Ünvan: Masallı rayonu, S. Vurğun küç.10