Qanada yaşayan 12 yaşındakı bir uşaq universitetə daxil olub. Veiemens Bamfo adlı uşağın bu il universitetə daxil olan ən gənc tələbə olduğu bildirilib. Bamfo ibitidai sinifi bitirdikdən sonra kimya mühəndisi olan atası Robert Bamfonun köməyi ilə evdə imtahanlara hazırlaşaraq orta məktəb və lisey bitirmə imtahanlarından uğurla keçib.
Bamfo "40 yaşında prezident olub Qana bayrağını yüksəklərə qaldırmaq və Qananı Çin, ABŞ, İngiltərə və digər dövlətlər kimi həqiqi bir müstəqil ölkə halına gətirmək istəyirəm" deyib.
İqtisadi çətinliklər səbəbindən oğlunun evdə çalışdığını deyən Robert Bamfo da oğluna lazımi təhsil verdiyi üçün nəticəyə təəccüblənmədiyini söyləyib.
Moderator.az