Fevralın 10-da Dövlət Musiqili Teatrında keçirilən tədbir hamı tərəfindən razılıqla qarşılandı
“Bölgələrdən Paytaxta” tədbirlər çərçivəsində paytaxtın ilk qonağı Masallı rayonu oldu. Yüzlərlə masallılı tanınmışın toplaşdığı tədbirdə qonaqlar öncə burada təşkil olunmuş sərgilərlə tanış oldular. Masallılı sənətkarların hazırladı əl işlərinin ətrafına xeyli tamaşaçı toplaşmışdı. Bu layihə çərçivəsində keçirilən tədbir Masallı haqqında qısametrajlı filmlə başladı. Daha sonra Masallının incəsənət ustaları – Atamoğlan Zahidov, Nəriman Məmmədov, Miriş Hüseynov, Aysel Nərimanova, eləcə də müxtəlif rəqs qrupları tədbirdə öz məharətlərini nümayiş etdirdilər.
Tədbirdə Mədəniyyət və Turizm naziri Əbülfəz Qarayev, Masallı RİH-nin müavini Nəsir Muxtarlı və başqaları çıxış ediblər. Bu qəbildən olan tədbirlər sırasında paytaxtın növbəti qonağı Qəbələ və Quba rayonları olacaq.
Mədəniyyət və Turizm naziri Əbülfəz Qarayevin “Masallıda yaxşı mənada çox güclü nümunə göstərdi. Digər rayonlar üçün, deyəsən, çətin olacaq” fikrini yəqin ki, tədbir haqqında ən yüksək tərf kimi qiymətləndirmək olar.
