Dəymiş ziyan milyon manatlarla ölçülür Fevralın 21-də, axşam saat 23-24 arası “Embawood”-un Masallıdakı fabrikində güclü yanğın hadisəsi baş verib. Qısa qapanmadan başlanan yanğın bir neçə saat davam edib. Qonşu rayonların da yanğınsöndürən maşınlarının köməyə gəldiyi yanğın yerində alovu söndürmək çox çətinliklə mümkün olub. Nəticədə fabrikin hazır məhsul və istehsal sexlərində 2500 kv. metrdən artıq sahə, eləcə də buradakı onlarla hazır mebel dəstləri, ən müasir və bahalı istehsal avadanlıqları yanaraq məhv olub. Dəymiş ziyan bir neçə milyon manatlarla ölçülür.
Onu da xatırladaq ki, bu fabrikdə 700-ə yaxın insan işləyir. Fabrik öz işini yüksək standartlar səviyyəsində qurmuşdu və Masallıya olduqca böyük fayda verən, başucalığı gətirən müəssisəyə çevrilmişdi.
Ən yaxşı halda fabrik bir neçə ay öz fəaliyyətini bərpa edə bilər. Rayon sakinləri bu yanğın hadisəsini böyük təəssüflə qarşılayıblar.