Çər. axşamı   8 sentyabr 2020   22:48:20  

Tramp Ruhani ilə “duelə” hazırlaşır


Ağ Ev: Bu görüş İranın xeyrinə olmayacaq

 

ABŞ Prezidenti Donald Tramp gələn həftə BMT-nin baş qərargahında iranlı həmkarı Həsən Ruhani ilə görüşməyə hazırlaşır. AYNA ərəb mətbuatına istinadən xəbər verir ki, bu barədə Ağ Evin müşaviri Kelin Konvey (Kellyanne Conway) məlumat verib.

 

ABŞ dövlət katibi Mayk Pompeonun verdiyi məlumata görə isə, görüşün əsas səbəbi Səudiyyə Ərəbistanının neft obyektlərinə təşkil olunan hücumda İranın ittiham olunmasıdır.

 

Konvey də öz növbəsində bununla bağlı Trampın Ruhani ilə görüşəcəyini və bu görüşün İranın xeyrinə olmayacağını vurğulayıb: “Eskalasiyanı dayandırmaq üçün edilən bütün çağırışlara rəğmən, İran dünynın enerji təchizatına misli görülməmiş bir hücum təşkil edir”.

 

Qeyd edək ki, ötən həftə Səudiyyə Ərəbistanında yerləşən “Armako” neft şirkətinə hücum təşkil olunmuş və güclü partlayış baş vermişdi.






Copyright © 2013 - 2021
Bütün hüquqlar qorunur.
MATERİALLARDAN İSTİFADƏ EDƏRKƏN PORTALIMIZA İSTİNAD ZƏRURİDİR!!!
Şikayət və təkliflərinizi qeyd edə bilərsiniz.
Created: Webmedia.az

Baş redaktor: Zahir Amanov
Tel: +99450(70)3227523
Email: [email protected]