Azərbaycanın 28-ci ildir ki, işğal altında qalan Xocalı rayonunun “Şoş” adlandırılmış Şuşakənd yaşayış məntəqəsində yeni uşaq bağçası istifadəyə verilib.
Moderator.az xəbər verir ki, Xankəndindəki separatçı nəşrlərin yaydığı məlumata görə, dağlar qoynunda(!), təmiz(!) havada erməni balalarına xidmət gostərəcək bağça ümumerməni “Hayastan” fondunun Argentinalı üzvləri Şimşiroğlu, Deveçeyan və Ekzeçiyanın vəsaitləri hesabına tikilib. Onların arasında Türkiyə əsilli erməni xeyriyyəçi Kirkor Şimşiroğlu uzun illərdir ki, Azərbaycanın işğal altındakı torpaqlarında, eləcə də Ermənistanda bir sıra layihələrə imza atıb, o cümlədən Şuşa rayonunun Daşaltı kəndində də uşaq bağçası tikdirib.
Qeyd edək ki, Şuşakənd – Azərbaycan Respublikasının Xocalı rayonunun inzibati ərazi vahidində, rayon mərkəzindən təxminən 15 km məsafədə yerləşir.
Kənd 1992-ci ildən Ermənistan Silahlı Qüvvələrinin işğalı altındadır. İşğal altındakı bu kəndimizin yaxınlığında Ermənistan Hava Hücumundan Müdafiə qoşunlarının “Su-125” zenit-raket kompleksi yerləşdirilib.
2005-ci ildə Dağlıq Qarabağda keçirilən əhalinin siyahıyaalmasına əsasən, Şuşakəndi zəbt etmiş ermənilərin sayı sayı 544 nəfər təşkil edib.
P.S. Neçə illər öncə - Şuşakənddə uşaqların sayı artmamış, o uşaq bağçası da açılmamış həmin "Su-125" raket-zenit kompleksini məhv edə bilməzdikmi?..