Xəbər verdiyimiz kimi, Azərbaycanın işğal altındakı torpaqlarında “yerli idarəetmə orqanlarına seçkilərlə bağlı” namizədlər əməlli-başlı təbliğat kampaniyası aparır. Xankəndi, Şuşa şəhərlərimizin, eləcə də rayon mərkəzlərimizin küçələrinə erməni namizədlərin fotoları, erməni yazılarıyla bəzənmiş plakatlar, lövhələr vurulub...
Moderator.az xəbər verir ki, separatçı nəşrlərdən biri Azərbaycan Respublikasının işğal altındakı Xankəndi şəhərinin merliyinə 5 namizəddən biri olan Armen Akopyandan müsahibə götürüb. Erməni namizəd Xankəndinin baş planı, genişləndirilməsi, abdalaşdırılması, yaşıllaşdırılması və s. ilə bağlı planlarından danışıb.
P.S. Bəz bizim nəinki Bakını, xarici ölkələri də yaraşıqlı göydələnlərlə bəzəyən, adası, təyyarəsi, helikopteri, gəmisi, topu-tüfəngi olan və müsahibələrində Azərbaycana, xalqa, dövlətə, torpağa sevgidən dəm vuran oliqarxlar hara baxır?.. Niyə birləşib torpaqlarımızın azadlığına nail olmurlar ki, bu dılğır ermənilərin əvəzinə şəhərlərimizin mer seçkisiylə, baş planıyla, abadlığıyla da özləri məşğul olsunlar?.. Bilmirlər ki, Qarabağın turizm, yeraltı-yerüstü sərvət potensialı Qəbələ, Quba, Lənkəranınkından və s. dəfələrlə böyükdür...