Üç ildən çox Özbəkistanın Əndican şəhərinin meri vəzifəsində çalışmış Dilmurod Raxmatullayev mediada pornoqrafik xarakterli foto-video materiallar dərc edildikdən sonra tutduğu postdan uzaqlaşdırılıb.
Yayılmış görüntülərdə çılpaq bir cütlük təsvir edilir. D.Rahmatullayevə bənzər bir kişi üzü və sinəsi qara düzbucaqlarla senzuradan keçirilmiş qadını qucaqlayır. Saytlarda yayılan məlumatlara görə, fotodakı xanım adı çəkilən rəsmi şəxsin məşuqəsidir.
Rahmatullayevin vəzifədən azad edilməsi barədə qərar avqustun 26-da, səhər saatlarında Xalq Deputatları Sovetinin Əndican Şəhər Şurasının növbədənkənar iclası zamanı qəbul olunub. Bununla yanaşı, məmurun işdən uzaqlaşdırılmasına rəsmi səbəb olaraq erotik kompromat yox, "sakinlərin şikayətləri və işdə yol verilmiş nöqsanlar" göstərilib.
Özbəkistan KİV-nin verdiyi məlumata görə, bələdiyyə başçısı təyin olunmazdan öncə Rəhmətullayev təhsil sahəsində çalışıb. O, tabeliyindəki insanlarls kobud ünsiyyətə görə özünə mənfi bir reputasiya qazanıb. Məsələn, 2017-ci ildə bu üzdəndiraq məmur pambıq yığımına hakimiyyətin tələb etdiyindən daha az adamın göndərildiyi üçün təhsil işçilərini, direktor və müəllimləri, hətta müəllimələri təhqir edərək onları "çaqqal və zibil" adlandırıb.