Azərbaycan Respublikasının Prezidenti İlham Əliyev və birinci xanım Mehriban Əliyeva avqustun 7-də Pirallahı Rayon İcra Hakimiyyətinin yeni inzibati binasının açılışında iştirak ediblər.
Bundan başqa, Azərbaycan Respublikasının Prezidenti İlham Əliyev və birinci xanım Mehriban Əliyeva Pirallahı rayonunda yeni inşa olunmuş Gənclər Mərkəzinin, YAP Pirallahı Rayon Təşkilatının yeni inzibati binasının, "Mirvari” Park Kompleksinin və "Nərəkənd” balıqyetişdirmə kompleksinin açılışlarında iştirak ediblər.
Prezidenti İlham Əliyev və birinci xanım Mehriban Əliyeva Pirallahı rayonunda qəzalı binaların sakinləri üçün inşa olunan yeni yaşayış kompleksindəki mənzillərdə yaradılan şəraitlə də tanış olublar.