ABŞ-da 6 mindən çox insan sığorta şirkətinə müraciət edərək özlərini yadplanetlilər tərəfindən oğurlanmaqdan sığortalayıb.
Moderator.azdünya mediasına istinadən xəbər verir ki, “Müqəddəs Lourens” sığorta şirkətinə müraciət edən insanlar 10 milyon dollar təzminat ödməklə “yadplanetlilər tərəfindən qaçırılma sığortası” alıb. Sığorta şirkəti sadəcə yadplanetlilər tərəfindən oğurlanacaqları təqdirdə deyil, eyni zamanda digər fövqəltəbii olaylar zamanı da vətəndaşlara dəyən zərərin ödəniləcəyini vurğulayıb.
Məlum olayla bağlı jurnalistlərə açıqlama verən “Müqəddəs Lourens” şirkətinin rəhbərliyi kimsəni aldatmaq niyyətində olmadıqlarını və onlar tərəfindən sığortalanan şəxslərə “yadplanetli hücumu”na məruz qalacağı təqdirdə təzminat veriləcəyini bildirib. Şirkət rəhbəri hazırda “yadplanetlilər tərəfindən qaçırılma sığortası”na marağın sürətlə artdığını və minlərlə insanın eyni səbəblə sığorta şirkətinə müraciət etməyə hazırlaşdığını da qeyd edib.
Minlərlə insanın son dönəmlərdə belə bir müraciətlə sözügedən sığorta şirkətinə müraciət etməsi “Müqəddəs Lourens” sığorta şirkətinin qısa müddətdə varlanmasına və xalq arasında məşhurlaşmasına səbəb olub.